País Vasco
O Concello de Santurtzi impulsa o estudo do éuscaro
O Concello de Santurtzi aposta polo éuscaro e iso viuse reflectido na matriculación do euskaltegi municipal, que este ano pechou cun incremento de novos estudantes; un aumento que foi posible grazas ás medidas adoptadas pola institución local para adaptar os cursos de aprendizaxe ás necesidades actuais dos veciños: cursos máis curtos e facilidades de pagamento.
Fonte: Deia
Donostia acolle dous espectáculos que buscan socializar a creación en éuscaro
As casas de cultura de Intxaurrondo e Egia, en San Sebastián, estrearán dous espectáculos froito da colaboración entre axentes culturais de Euskadi e Iparralde, implicados en proxectos para difundir e socializar a creación en éuscaro.
Fonte: Diario Vasco
O Goberno vasco nega que trata de impoñer unha política lingüística “excluínte” no Servizo Vasco de Saúde
O lehendakari, Iñigo Urkullu, rexeitou que o seu Goberno pretenda impor unha política lingüística “excluínte” nin “ao servizo do nacionalismo” no Servizo Vasco de Saúde–Osakidetza, dado que o único que ten previsto facer é “preguntarlles” aos cidadáns se desexan ser atendidos en éuscaro ou castelán para poder ofrecerlles o servizo na lingua que prefiran.
Fonte: Europa Press
As mellores curtas europeas de cine en lingua de signos chegan a Guipúscoa
Gainditzen, a Asociación de Persoas Xordas de Tolosaldea e Goierri, presentou a cuarta edición do Festival Internacional de Cine en Lingua de Signos.
Fonte: Diario Vasco
A asociación Jardun organiza unha feira de intercambio de libros en éuscaro en Bergara
Co obxectivo último de facilitar o acceso económico ao libro usado e potenciar a lectura en éuscaro, Jardun desenvolverá, na carpa da praza Munibe de Bergara, unha feira de intercambio de títulos en éuscaro.
Fonte: Diario Vasco
O éuscaro achégase aos estudantes estranxeiros
Os responsables do Instituto Etxepare e Mintzanet asinaron un acordo grazas ao que porán en contacto a creadores vascos con estudantes estranxeiros da cultura vasca, sacando o éuscaro ao mundo. Deste modo, os creadores vascos, escritores, escultores ou músicos entre outros poderán dar a coñecer o seu labor aos estudantes estranxeiros.
Fonte: Diario Vasco
Técnicos de fútbol de Getxo usarán un novo software para preparar os seus adestramentos en éuscaro
O proxecto é innovador porque é o primeiro que unifica dous conceptos: adestramentos de calidade e en éuscaro. Kimet Planning é un software informático para a preparación minuciosa dos adestramentos de fútbol, que o Concello de Getxo decidiu aplicar para fomentar o éuscaro no campo deportivo.
Fonte: Deia
Un novo libro recolle máis de 2000 topónimos de Vitoria en éuscaro
Este último capítulo dun laborioso e complexo traballo, no que se recollen en éuscaro un total de 2063 topónimos despois de analizar un corpus total de máis de 400 000 rexistros pertencentes aos últimos seis séculos, preséntase en DVD para telo todo dispoñible a golpe de clic.
Fonte: El Correo
Getxo celebra o Día do Éuscaro con máis de quince actividades
En total, levaranse a cabo 17 actividades que, nesta ocasión, teñen o obxectivo principal de achegar o éuscaro e a cultura vasca tanto ás persoas que o falan como ás que saben algo ou non o falan pero teñen interese pola lingua.
Fonte: Deia
O Parlamento vasco pide que o servizo de saúde Osakidetza priorice o coñecemento do éuscaro nas contratacións
O Parlamento vasco pronunciouse a favor de que Osakidetza (Servizo Vasco de Saúde) priorice o coñecemento do éuscaro nas contratacións de eventuais e solicite criterios lingüísticos ás empresas provedoras.
Fonte: Redacción Médica
Boletín
Subscríbase ao boletín
