País Vasco

Convocan no País Vasco cursos de éuscaro para o funcionariado do Estado

O Instituto Nacional de Administración Pública, en colaboración coa Delegación do Goberno no País Vasco, convocou cursos de éuscaro destinados aos empregados públicos da Administración Xeral do Estado co obxectivo de atender a cidadanía adecuadamente e garantir os seus dereitos lingüísticos.

Fonte: El Confidencial Autonómico

País Vasco

A policía do País Vasco poderá aprender éuscaro de xeito gratuíto e fóra do horario laboral

Os membros da Ertzaintza poderán aprender éuscaro de xeito gratuíto fóra do seu horario laboral. Ademais, poderán elixir o euskaltegi no que recibir a formación e o horario que mellor se adapte ás súas necesidades.

Fonte: eitb.eus

País Vasco

Máis de 25 000 persoas inscríbense nos euskaltegis do País Vasco

Máis de 25 000 alumnos e alumnas inscribíronse nos euskaltegis do País Vasco durante a primeira fase da campaña de matriculación. Espérase que 10 000 persoas máis se inscriban nos vindeiros meses.

Fonte: 20minutos

País Vasco

A Asociación de Empresarios de Comercio e Servizos de Áraba impulsan unha campaña de promoción do éuscaro

A campaña "Araban bai" desenvolverase ao longo do mes de novembro e con ela preténdese fomentar o uso do éuscaro nos comercios e bares do territorio.

Fonte: Noticias de Álava

País Vasco

O Departamento de Cultura e Política Lingüística do País Vasco incrementará as axudas para estudar éuscaro

O Departamento de Cultura e Política Lingüística do País Vasco prevé aumentar un 44% as axudas para estudar lingua vasca nos euskaltegis durante o 2018. Con isto, pretende que o ensino neste idioma ata o nivel B2 sexa de balde.

Fonte: eitb.eus

País Vasco

Créase un mapa de comercios que utilizan o éuscaro para atender os clientes en Vitoria

O Concello de Vitoria impulsou, en colaboración coa asociación Bai Euskarari, unha campaña para promover o uso habitual do éuscaro nos comercios, de xeito que se creará un mapa que indicará aqueles que empregan a lingua vasca para atender os clientes.

Fonte: El Correo

País Vasco

Aumenta o uso do éuscaro no eido escolar

De acordo cos resultados do "Proxecto Arrue" sobre uso de éuscaro no eido escolar, a utilización da lingua vasca aumentou no período 2011-2015, acadando un 59,4 % en 4º de Educación Primaria e un 42,3 % en 2º da ESO.

Fonte: La Vanguardia

País Vasco

A metade das páxinas web de empresas do País Vasco ofrece servizos en éuscaro

De acordo cos datos do Instituto Vasco de Estatística (Eustat), o 50,4 % das empresas do País Vasco que dispón de páxina web ofrece os seus servizos en éuscaro. A porcentaxe por provincias é do 61,7% en Guipúscoa, 46% en Biscaia e 39,1% en Áraba.

Fonte: Finanzas.com

País Vasco

Preséntase un proxecto para fomentar o uso do éuscaro no eido do deporte

O Goberno do País Vasco impulsou o proxecto 'Euskal Kirolari' para fomentar o uso da lingua vasca no eido do deporte, especialmente no ámbito dixital e das redes sociais. O proxecto contará coa participación de importantes deportistas que amosarán a súa relación co idioma e termos en éuscaro relacionados cos seus deportes.

Fonte: 20minutos

País Vasco

Ondarroa lanza unha campaña dirixida á mocidade para fomentar o uso do éuscaro nas redes sociais

A Fundación Labayru puxo en marcha o desafío #botaba co obxectivo de difundir a través de Instagram expresións en éuscaro que se utilizan entre amigos, na casa e no traballo.

Fonte: El Correo

País Vasco

Boletín

Subscríbase ao boletín

Logo Feder