País Vasco
Descobren que o vasco non foi una lingua illada
O catedrático de Lingüística Románica Martin Hasse, tras una investigación realizada en Gascuña, sostén que o vasco non foi unha lingua que permaneceu illada e sen influencia das linguas latinas, senón que recibiu considerables achegas do gascón, un conxunto de variedades lingüísticas galorrománicas, consideradas un dialecto occitano e que se utilizaban no que actualmente sería o sur de Francia e en dirección norte ata Bordeos.
Fonte: El Mundo
O Concello de San Sebastián presenta unha web con información sobre o ámbito do éuscaro
O Concello de San Sebastián presentou unha nova páxina web dedicada ao éuscaro na que os cidadáns poderán atopar información sobre actos, actividades e servizos ofrecidos en lingua vasca tanto pola Administración como por axentes ou movementos populares.
Fonte: El Mundo
Animan a utilizar o éuscaro en Ermua con postais de verán
O departamento de éuscaro mantén en marcha o concurso de postais de verán. O obxectivo do certame é animar os e as emutarras a que utilicen o éuscaro nas comunicacións informais. Os que desexen participar han de enviar unha postal escrita en éuscaro desde os seus lugares de veraneo.
Fonte: Diario Vasco
O Concello de San Sebastián repartirá 13 133 euros entre 21 entidades para fomentar o éuscaro
Un total de 21 entidades donostiarras sen ánimo de lucro repartiranse os 13 133 euros que o Concello de San Sebastián aprobou para o desenvolvemento de proxectos de fomento do éuscaro. Trátase de iniciativas que se organizan para completar e desenvolver o Plan xeral do éuscaro, informou o consistorio donostiarra nun comunicado.
Fonte: Diario Vasco
O Goberno vasco destina máis de 800 000 euros a material escolar en éuscaro
O Goberno vasco destinou axudas por un importe superior aos oitocentos mil euros para a elaboración de material escolar en éuscaro. A partida máis importante, por un montante de 514 627 euros, está destinada a subvencións para libros e demais material didáctico de niveis non universitarios impresos en éuscaro. O obxectivo destas subvencións é que o ensino en éuscaro non supoña un incremento do gasto para o alumnado en razón do material didáctico utilizado.
Fonte: Diario Vasco
O Concello de Éibar creará unha oficina para a Comisión do Éuscaro
O Concello de Éibar adoptou a decisión de desligar os temas referidos ao éuscaro dos relacionados con cultura e crear así unha comisión asesora específica para a lingua vasca. Ata entón, as dúas áreas estaban integradas nunha única comisión. Porén, nun momento no que se prepara o Plan de acción para a promoción do éuscaro que rexerá durante os próximos cinco anos decidiuse crear unha comisión propia. Esta medida reflíctese fisicamente na posta en marcha dunha oficina correspondente a este departamento.
Fonte: Diario Vasco
O Concello de Vitoria oferta máis de 80 cursos de éuscaro para o ano 2014-2015
O Concello de Vitoria ofertará máis de 80 cursos de éuscaro no período 2014-2015, entre eles varios dirixidos a maiores de 55 anos e estranxeiros.
Fonte: ABC
O 40 % da mocidade vasca matricularía os seus fillos nun modelo trilingüe
Catro de cada dez mozos vascos de entre 15 e 29 anos matricularían os seus fillos, de telos, en modelo trilingüe (éuscaro, castelán e inglés), segundo datos da enquisa “Retratos de xuventude” elaborada polo Goberno vasco.
Fonte: El Correo
O Goberno vasco anima os adultos a aprender éuscaro nos euskaltegis
As presentadoras de televisión Anne Igartiburu e Reyes Prados protagonizan o terceiro vídeo da campaña do Goberno vasco “Poziktibity”, no que animan os cidadáns a aprender éuscaro e ir aos euskaltegis.
Fonte: Deia
O Concello donostiarra oficializará o nome en éuscaro de 295 rúas
O Goberno de San Sebastián decidiu dar carácter oficial á denominación en éuscaro de 295 rúas e prazas da capital guipuscoana, moitas delas contan xa con placas neste idioma, a pesar de que ata o momento non se tramitou o seu rexistro administrativo en lingua vasca.
Fonte: Diario Vasco
Boletín
Subscríbase ao boletín
