País Vasco
Un estudio biscaíño crea unha aplicación infantil para aprender éuscaro a través do xogo
Esanbaki é un xogo gratuíto dirixido a nenos e nenas de 0 a 6 anos que lles axudará a memorizar de forma sinxela vocabulario e gramática básica en éuscaro.
Fonte: SPRI
Unhas colonias de verán medirán a eficacia das iniciativas de fomento do éuscaro entre a xente nova
"Mingaina dantzan" é unha experiencia piloto, posta en marcha polo Goberno vasco, que se desenvolverá durante o verán nunhas colonias dirixidas á xente nova e que ten como obxectivo avaliar as metodoloxías de fomento do uso do éuscaro neste colectivo.
Fonte: Noticias de Gipuzkoa
Máis dun milleiro de establecementos comerciais de San Sebastián súmanse a un proxecto de fomento do éuscaro
Ao proxecto "Merkataritzan eta ostalaritzan ere euskaraz", impulsado polo Concello de San Sebastián, uníronse máis de 1000 comercios que deberán colocar un distintivo no exterior e terán que contar con, polo menos, a metade do cadro de persoal que saiba falar en éuscaro.
Fonte: Diario Vasco
O Goberno vasco destina 807 000 euros ao impulso do éuscaro no contorno dixital
A partida orzamentaria de 807 000 euros estará destinada a promover, desenvolver e normalizar a utilización do éuscaro no contorno dixital. O Goberno convocará axudas para financiar proxectos novos en éuscaro así como proxectos que xa estaban en marcha.
Fonte: Gobierno Vasco
A Universidade Vasca de Verán organiza un congreso para promover a ciencia en éuscaro
O congreso Ikergazte 2017, ao que acoden 180 especialistas, ten como obxectivo impulsar a produción científica en éuscaro e o fortalecemento de redes de investigadores euscaldúns.
Fonte: EiTB
O Goberno vasco porá en marcha unha iniciativa que incidirá na activación social para promover o éuscaro
Esta nova iniciativa ten como obxectivo incidir nos hábitos lingüísticos e a activación social para promover a utilización do éuscaro.
Fonte: Diario Vasco
A Universidade de Mondragón premia os proxectos de fin de grao en éuscaro
O alumno da Facultade de Empresariais Mikel Irusta Zurikarai resultou gañador do primeiro premio polo seu proxecto en éuscaro polo que recibirá 1500 euros.
Fonte: Noticias de Gipuzkoa
Unha campaña anima os internautas a configurar ordenadores e móbiles en éuscaro
A Fundación PuntuEUS, Code Sintax, a Federación de Ikastolas e Kontseilua presentaron a iniciativa "Tamén en Internet, a primeira palabra, en éuscaro" co obxectivo de animar os usuarios a que configuren os seus ordenadores e teléfonos nesta lingua.
Fonte: Diario Vasco
O Parlamento vasco rexeita un cambio na política de perfís lingüísticos
O Parlamento debateu sobre o tratamento do éuscaro nas convocatorias de emprego público do Goberno vasco.
Fonte: Diario Vasco
Segundo un estudo, a metodoloxía Eusle permite un aumento no uso cotián do éuscaro
O estudo Aldahitz Ikerketa.Eusle metodologia esperientzien emaitzak 2013-2016 mostra os resultados das experiencias baseadas na metodoloxía Eusle en diferentes entidades públicas e privadas, que indican unha notable melloría no uso cotián do éuscaro.
Fonte: Naiz
Boletín
Subscríbase ao boletín
