País Vasco

A Universidade do País Vasco reforzará o uso do éuscaro co seu novo Plan estratéxico

A Universidade do País Vasco aprobou as bases do Plan estratéxico 2018-2021 con 51 votos a favor, 4 en contra, 32 abstencións e un voto nulo. Entre os obxectivos principais deste plan atópase o de fomentar o uso da lingua vasca.

Fonte: El Diario Vasco

País Vasco

Case a metade da policía vasca ten acreditado algún perfil lingüístico de éuscaro

Un total de 3437 membros da policía do País Vasco ten acreditado algún perfil lingüístico de éuscaro, o que supón un 43% do total de axentes. Isto significa que, dende a aprobación do primeiro plan de uso desta lingua no ano 2014, a porcentaxe de policías co idioma acreditado medrou un 5%.

Fonte: Noticias de Álava

País Vasco

As universidades do País Vasco únense á celebración do Día do Éuscaro

As universidades do País Vasco tamén participarán na celebración do Día Internacional do Éuscaro. Deste xeito, a UPV/EHU e Deusto levarán a cabo diversas actividades co obxectivo de achegar a lingua vasca ao alumnado universitario.

Fonte: El Diario Vasco

País Vasco

Varias institucións de Guipúscoa acordan poñer en práctica diversos hábitos para fomentar o uso do éuscaro

Dezaoito institucións, empresas e axentes de Guipúscoa presentaron as conclusións da iniciativa "Gipuzkoa berdinago". En concreto, acordaron unha declaración na que se recollen hábitos lingüísticos para fomentar o uso da lingua vasca, sempre co obxectivo de acadar un "maior equilibrio" na convivencia lingüística.

Fonte: eitb.eus

País Vasco

Case 190 000 persoas prefiren o éuscaro para comunicarse co Servizo Vasco de Saúde

De acordo con datos publicados polo Departamento de Saúde do Goberno do País Vasco, 188 161 persoas escolleron o éuscaro como lingua de preferencia para comunicarse co Servizo Vasco de Saúde. Así mesmo, estes datos indican que a porcentaxe de traballadores deste Servizo que acreditou o perfil lingüístico se multiplicou por tres.

Fonte: La Vanguardia

País Vasco

A Universidade do País Vasco presentará trinta libros en éuscaro durante a Feira do Libro de Durango

A Universidade do País Vasco (UPV/EHU) participará na 52ª edición da Feira do Libro e Disco de Durango, que terá lugar entre os días 6 e 10 de decembro de 2017. En concreto, a UPV/EHU presentará trinta libros en éuscaro relacionados con diversas áreas de coñecemento, destinados tanto ao alumnado universitario como ao público en xeral.

Fonte: La Vanguardia

País Vasco

A metade das empresas vascas con dez ou máis persoas empregadas dispoñen de páxina web en éuscaro

Segundo datos do Eustat, o 50,4 % das empresas vascas con dez ou máis persoas empregadas conta con páxina web en éuscaro unha porcentaxe que ascende ao 61,7 % no caso das que se encontran nas comarcas de Guipúscoa.

Fonte: La Vanguardia

País Vasco

Máis de mil persoas participarán nun encontro para fomentar o uso do éuscaro en Bilbao

As institucións de Bilbao e Biscaia organizan, por sexto ano consecutivo, o encontro "Berbagunea" para promover o uso da lingua vasca na cidade de Bilbao. A xuntanza terá lugar o 14 de decembro de 2017 e asistirán máis de mil persoas amantes do éuscaro.

Fonte: ABC

País Vasco

Máis de 300 empresas do País Vasco contan xa coa certificación de calidade de xestión lingüística

Máis de 300 empresas e entidades públicas do País Vasco dispoñen xa da certificación Bikain do uso do éuscaro no ámbito laboral, despois de que 35 novas institucións a conseguisen recentemente.

Fonte: eitb.eus

País Vasco

A Deputación de Guipúscoa abrirá un laboratorio para darlle apoio ao sector audiovisual en éuscaro

A Deputación de Guipúscoa abrirá un laboratorio no centro Tabakalera de San Sebastián para dar apoio ao sector audiovisual en éuscaro, que servirá para identificar novas oportunidades industriais e testar os seus proxectos.

Fonte: El Diario Vasco

País Vasco

Boletín

Subscríbase ao boletín

Logo Feder