País Vasco
O Goberno vasco destina 1,3 millóns de euros para o trilingüismo nos colexios concertados
O Goberno repartirá 387 600 euros entre os centros públicos que queiran levar a cabo proxectos trilingües ou plurilingües co éuscaro como “eixe” –en Primaria, Secundaria e Bacharelato durante dous anos. Pola súa parte, a rede concertada, que escolariza a outra metade do alumnado vasco, opta a algo mais de 1,3 millóns de euros para desenvolver estes plans e formar os seus docentes.
Fonte: El Mundo
O Banco Terminolóxico Vasco xa está dispoñible en dispositivos móbiles
O Goberno vasco desenvolveu unha nova aplicación para poder acceder a través dos dispositivos móbiles ao Banco Terminolóxico Público Vasco, Euskalterm. Esta é unha ferramenta con termos especializados de informática, economía, administración e dereito, e inclúe definicións e a tradución desas palabras en éuscaro a outras linguas.
Fonte: ABC
O Concello de Barrika pídelles axuda aos seus cidadáns para crear o Plan de éuscaro
O Concello de Barrika atópase en pleno proceso de creación do novo Plan de éuscaro que rexerá o tratamento da lingua na localidade. Para facer deste documento unha folla de ruta máis completa e próxima á cidadanía, o Consistorio quere recoller as sensacións e suxestións dos veciños do municipio.
Fonte: Deia
Os colexios impulsan o éuscaro en Bacharelato coa introdución do modelo A reforzado
Aínda que oficialmente só hai tres liñas, Euskadi camiña xa cara a un sistema con tantos programas lingüísticos diferentes como centros.
Fonte: El Correo
Un decreto priorizará o éuscaro na xestión lingüística da Deputación de Guipúscoa
A Deputación Foral de Guipúscoa aprobará as próximas semanas o decreto que priorizará o éuscaro na xestión lingüística na entidade. A voceira foral Larraitz Ugarte explicou que aínda que na práctica xa se lle dá prioridade ao éuscaro, a deputación “quere que esta prioridade estea recollida formalmente”.
Fonte: Diario Vasco
A Universidade do País Vasco imparte 250 materias integramente en lingua inglesa
Este curso a Universidade do País Vasco impartirá un total de 274 materias en lingua estranxeira (246 en inglés, 25 en francés e tres en alemán). O salto é maiúsculo, tendo en conta que en 2006 a oferta apenas chegaba ás 16 materias. Nunha década o ensino en lingua estranxeira multiplicouse por dezasete.
Fonte: Noticias de Gipúzkoa
Presentan no Festival de Cine de San Sebastián ‘Loreak’, o primeiro filme en éuscaro que opta á Concha de Ouro
Un toque feminino de tres enormes mulleres vascas que, “aínda que elas non o crean, se parecen”, explica tras a presentación da película no festival un dos codirectores do filme, Jon Garaño, que xunto a Jose Mari Goneaga conseguiron que este certame seleccione por primeira vez unha película rodada en éuscaro na competición pola Concha de Ouro.
Fonte: 20 Minutos
O Goberno vasco impulsa un plan para paliar o “baixo nivel” de éuscaro na Ertzaintza
O 62 % dos axentes non domina o idioma e o Executivo pretende que sexa “requisito” no futuro para acceder á Policía autonómica.
Fonte: El Correo
O Servizo Vasco de Saúde quere reforzar o nivel de éuscaro das bolsas de substitutos
O director de Dereitos Humanos de Osakidetza, José María Armentia, explicou que traballa nun proxecto para ofrecerlles aos profesionais que conforman as bolsas de traballo a posibilidade de mellorar o seu nivel de éuscaro co fin de cubrir as substitucións co persoal bilingüe.
Fonte: ABC
O Goberno vasco implantará o modelo B e impulsará o D na Formación Profesional
O viceconselleiro vasco de Política Lingüística, Patxi Baztarrika, anunciou que o Goberno vasco vai implantar o modelo B e impulsar o modelo D, a oferta educativa en éuscaro, na Formación Profesional (FP).
Fonte: Europa Press
Boletín
Subscríbase ao boletín
