País Vasco
Reúnese en Bilbao o Comité de Dirección da Rede Europea para a Promoción da Diversidade Lingüística
Nesta reunión participarán os membros de pleno dereito da Rede Europea para a Promoción da Diversidade Lingüística (NPLD) así como a representación dos membros asociados.
Fonte: 20minutos
O Parlamento vasco rexeita rebaixar o peso do éuscaro nas oposicións ao Servizo Vasco de Saúde
A Cámara vasca rexeitou unha proposta que instaba o Goberno a rebaixar o peso do éuscaro nas ofertas públicas de emprego.
Fonte: Deia
A televisión pública de Grecia emitirá unha serie vasca en éuscaro con subtítulos en grego
A televisión pública de Grecia adquiriu os dereitos de emisión dunha serie rodada integramente en éuscaro, Aitaren etxea, que se emitirá nesta lingua con subtítulos en grego.
Fonte: Fórmula TV
O Goberno vasco aproba dous programas para a euscaldunización do profesorado
Os programas, aos que se destina unha cantidade de 3,2 millóns de euros, están destinados a apoiar a euscaldunización do profesorado de centros privados.
Fonte: 20minutos
Vitoria desenvolve campañas de sensibilización para a promoción do uso do éuscaro en diferentes ámbitos
O Concello de Vitoria-Gasteiz e a Deputación Foral de Áraba promoverán a lingua vasca no ámbito do ocio, do tempo libre e do deporte.
Fonte: Gasteiz Hoy
O Goberno vasco e a empresa Casio presentan a primeira calculadora con posibilidade de seleccionar o éuscaro
O modelo de calculadora ClassWiz de Casio permite escoller idioma e entre eles ofrece a posibilidade de seleccionar o éuscaro.
Fonte: Diario Vasco
O alumnado que opta por realizar a selectividade en éuscaro supón máis do dobre do que prefire o castelán
Dos 9887 estudantes que se van presentar á Proba de Acceso á Universidade, 6808 farano en éuscaro, fronte a 3079 que se decantarán polo castelán.
Fonte: El Correo
Preséntase un informe coa proxección de futuro do éuscaro
O informe ¿Y a partir de ahora qué? sinala que en 2036 case a metade da poboación total de Euskadi será vascofalante; un 16,7 %, vascofalante pasivo; e un 33,8%, castelanfalante.
Fonte: El Diario
A Asociación de Farmacéuticos FEUSE establece entre os seus obxectivos aumentar o uso do éuscaro nas farmacias
Entre as propostas aprobadas na súa asemblea anual, a Asociación de Farmacéuticos Euscaldúns (FEUSE) estableceu a posta en marcha de iniciativas para impulsar a presenza e a utilización do éuscaro nas boticas.
Fonte: Su Nota de Prensa
A campaña de promoción do éuscaro nos comercios de Donostia xa alcanza os 680 establecementos
Estes 680 establecementos son comercios e locais de hostalería que se comprometen a atender os clientes en éuscaro e dirixir a primeira palabra nesta lingua. Todos os locais levarán unha insignia distintiva para informar os clientes de que poden ser atendidos en éuscaro.
Fonte: Noticias de Gipuzkoa
Boletín
Subscríbase ao boletín
