País Vasco
Preséntase en Bilbao unha nova edición do Atlas das Variedades Locais do Éuscaro
A Real Academia Vasca presentou o sétimo volume do atlas onde se recollen termos e expresións orais actualmente en desuso ou de uso minoritario.
Fonte: ABC
O Goberno vasco publica un informe que contén as súas previsións sobre o futuro do éuscaro
O documento ¿Y a partir de ahora qué? recolle as previsións do Goberno vasco sobre o futuro do éuscaro e conclúe que en 2013 case a metade da poboación vasca será falante desta lingua.
Fonte: El Diario
Presentan en Bilbao un innovador corpus multilingüe de grande utilidade para os profesionais que traballen coas linguas
Este corpus multilingüe (Hizkuntzen Arteko Corpusa/Corpus Multilingüe Paralelo) será de grande axuda para profesionais cuxa ferramenta de traballo sexan as linguas (tradutores, docentes, escritores ou investigadores).
Fonte: La Vanguardia
O Concello de Vitoria investirá 84 000 euros no fomento do éuscaro
O Concello de Vitoria-Gasteiz acorda subscribir un convenio de colaboración coa Real Academia da Lingua Vasca por valor de 60 000 euros, convocar o concurso “Gazte Sortzaileak” (18 000 euros) e subvencionar o impulso do éuscaro no comercio local (6000 euros).
Fonte: Noticias de Álava
Un documento ofrécelles recomendacións aos poderes públicos para incrementar a presenza do éuscaro nas TIC e internet
O documento TIC en euskera: recomendaciones para los poderes públicos, elaborado polo Consello Asesor do Éuscaro, ten como obxectivo ofrecerlles recomendacións aos poderes públicos para incrementar a presenza e o emprego desta lingua nas TIC e en internet.
Fonte: Gobierno Vasco
O Goberno vasco presenta as novidades do seu tradutor automático
Como novidade, o tradutor automático do Goberno vasco incorpora o éuscaro-inglés, co que xa son catro as combinacións dispoñibles desta ferramenta.
Fonte: El Diario Vasco
O Goberno vasco e a Deputación de Biscaia impulsarán os programas para o estudo da lexicografía do éuscaro biscaíño
Ambas as institucións financiarán os programas da Fundación Labayru dedicados ao estudo e ao impulso da lexicografía do éuscaro biscaíño.
Fonte: ABC
A maioría das queixas ao Servizo para a Garantía dos Dereitos Lingüísticos foron por non garantirse o uso do éuscaro
Este servizo, ofrecido polo Goberno vasco, rexistrou 470 queixas o ano pasado, das cales o 99,8 % foron por non garantirse o uso do éuscaro.
Fonte: ABC
Reúnese en Bilbao o Comité de Dirección da Rede Europea para a Promoción da Diversidade Lingüística
Nesta reunión participarán os membros de pleno dereito da Rede Europea para a Promoción da Diversidade Lingüística (NPLD) así como a representación dos membros asociados.
Fonte: 20minutos
O Parlamento vasco rexeita rebaixar o peso do éuscaro nas oposicións ao Servizo Vasco de Saúde
A Cámara vasca rexeitou unha proposta que instaba o Goberno a rebaixar o peso do éuscaro nas ofertas públicas de emprego.
Fonte: Deia
Boletín
Subscríbase ao boletín
