España
O Goberno de Navarra organiza un amplo programa de actividades con motivo do Día Internacional do Éuscaro
O ciclo cultural en éuscaro Gora Gora Fest 2023 levará, entre o 3 de novembro e o 10 de decembro, a máis de medio cento de localidades navarras espectáculos de maxia, teatro, monólogos, obradoiros de reciclaxe de roupa e sesións de conto teatralizadas.
Fonte: Gobierno de Navarra
Un estudo analiza o coñecemento do éuscaro da poboación estranxeira que reside no País Vasco
O informe Actitudes de la población de origen extranjero hacia el euskera, elaborado pola Fundación Begirune, conclúe que case un 85 % das persoas de orixe estranxeira non sabe nada de éuscaro; un 10 % ten nocións básicas; e un 5 % conta cun coñecemento medio ou alto desta lingua.
Fonte: Noticias de Gipuzkoa
Nace 3Cat, unha plataforma dixital gratuíta e en catalán
3Cat é unha nova plataforma dixital dos medios públicos que ofrecerá, de xeito gratuíto e en catalán, vídeo e audio a demanda, todos os directo de TV3 e Catràdio, e canles temáticas, así como un amplo catálogo de series, documentais, información, deportes, cultura, divulgación etc.
Fonte: Generalitat de Catalunya
A campaña de fomento da lectura de revistas en catalán alcanza o medio milleiro de subscricións en menos dun mes
Baixo o lema «Som més fortes que la censura», esta campaña para fomentar a lectura de revistas en catalán, que estará en vigor ata finais de ano, naceu en resposta aos ataques á lingua e ás publicacións neste idioma.
Fonte: Diari Més
Un total de 26 entidades de Baleares asina un manifesto contra a segregación lingüística nas aulas
As entidades asinantes do manifesto contra a segregación lingüística nas aulas pídenlle á presidenta balear que non se separe o alumnado en función da lingua de ensino (castelán ou catalán).
Fonte: Mallorca Diario
O novo número de Astérix poderá lerse en asturiano
L’iris blanc é o título do novo volume de Astérix que sae á venda en todo o mundo en vinte linguas, entre elas o asturiano baixo o título El lliriu blancu.
Fonte: Asturies.com
O Concello de Pamplona e a Real Academia da Lingua Vasca asinan un convenio para o asesoramento lingüístico
A sinatura deste convenio supón a concesión de 12 000 euros en concepto de subvención nominativa á Real Academia da Lingua Vasca-Euskaltzaindia polo que esta asesorará o Concello de Pamplona en cuestións lingüísticas relativas ao éuscaro e organizará actividades de difusión.
Fonte: Pamplona Actual
A Academia da Lingua Asturiana organiza unhas xornadas arredor do asturiano
As XLI Xornadas Internacionais de Estudo, que se celebrarán do 7 ao 9 de novembro, van contar cun programa que inclúe conferencias, presentacións e comunicacións sobre a lingua e a cultura asturianas.
Fonte: Astur News
O Goberno vasco subvenciona as xornadas Xare para promover a cultura dixital en éuscaro
Por medio dunha subvención de 35 000 euros, o Goberno vasco colaborará na organización das xornadas Xare, cuxo obxectivo é que a mocidade coñeza os recursos dixitais en éuscaro e fomentar o uso desta lingua no ámbito das TIC.
Fonte: Gobierno Vasco
O Goberno de Cataluña presenta unha campaña en todas as linguas oficiais da UE para defender a oficialidade do catalán nas institucións europeas
Esta campaña publicitaria difundirase na vía pública e nos medios de comunicación de todos os Estados membro da UE para defender a oficialidade do catalán nas institucións europeas.
Fonte: Generalitat de Catalunya
Boletín
Subscríbase ao boletín
