España
O Goberno vasco subvenciona as xornadas Xare para promover a cultura dixital en éuscaro
Por medio dunha subvención de 35 000 euros, o Goberno vasco colaborará na organización das xornadas Xare, cuxo obxectivo é que a mocidade coñeza os recursos dixitais en éuscaro e fomentar o uso desta lingua no ámbito das TIC.
Fonte: Gobierno Vasco
O Goberno de Cataluña presenta unha campaña en todas as linguas oficiais da UE para defender a oficialidade do catalán nas institucións europeas
Esta campaña publicitaria difundirase na vía pública e nos medios de comunicación de todos os Estados membro da UE para defender a oficialidade do catalán nas institucións europeas.
Fonte: Generalitat de Catalunya
Lovecraft poderá lerse, por primeira vez, en lingua asturiana
A editorial Ediciones Radagast acaba de sacar á venda a primeira tradución ao asturiano de H.P Lovecraft. Trátase da obra La Llamada de Cthulhu y otres hestories que inclúe nove dos relatos máis coñecidos do autor norteamericano.
Fonte: Nortes
Reactívase o programa de cinema infantil en catalán CINC
O CINC, o programa de cinema infantil en catalán, retoma a súa actividade en outubro coa programación de 160 proxeccións en 26 localidades de Cataluña e dúas na Franxa de Aragón.
Fonte: Generalitat de Catalunya
A Generalitat Valenciana elabora un informe cos novos criterios para o uso do valenciano na Administración
Este documento, que se lle entregou á Acadèmica Valenciana de la Llengua (AVL) para que elabore un informe, contén os novos criterios que a Generalitat quere implantar para o uso do valenciano na Administración.
Fonte: El País
A Generalitat de Cataluña convoca axudas para a incorporación do catalán ao ámbito dos videoxogos
Esta nova liña de axudas para a incorporación do catalán ao ámbito dos videoxogos conta cunha dotación orzamentaria de 625 000 euros e está destinada a que empresas privadas realicen labores de tradución, corrección, localización, dobraxe e subtitulación.
Fonte: Generalitat de Catalunya
As universidades de Cataluña avaliarán o nivel de catalán do alumnado dos graos de Educación
As facultades de Educación de Cataluña avaliarán o nivel de catalán dos novos estudantes para abordar posibles carencias durante os estudos, unha medida que forma parte da guía para a elaboración de plans de incremento da docencia nesta lingua nas universidades.
Fonte: La Vanguardia
Un traballo de investigación mostra a eficacia da iniciativa Euskaraldia
Os datos relativos á edición de 2022 de Euskaraldia mostran que dous terzos das persoas participantes nesta iniciativa mudaron algúns hábitos lingüísticos.
Fonte: Gobierno Vasco
Premian a Rodrigo Cuevas polo seu labor na defensa do galego en Asturias
A asociación Axuntar, que traballa a prol da normalización do galego de Asturias, creou os Premios Folgueira co obxectivo de recoñecer publicamente as persoas, institucións ou iniciativas que traballan pola dignificación desta lingua no Principado.
Fonte: Consello da Cultura Galega
Preséntanse varios traballos que afondan na práctica oral en éuscaro
No marco do proxecto Mintzola, impulsado por Euskaltzaindia, varios especialistas presentaron en San Sebastián sete traballos de fin de grao e fin de mestrado, así como un traballo de investigación, todos eles premiados, nos que afondan nas claves da práctica oral en éuscaro.
Fonte: La Vanguardia
Boletín
Subscríbase ao boletín
