España
Apróbase a “Declaración de Bimenes” en defensa das linguas propias de Asturias
A “Declaración de Bimenes” ten como obxectivo recoñecer o asturiano e o eonaviego como dereitos culturais inherentes, o que implicaría a declaración de oficialidade destas dúas linguas.
Fonte: Asturies.com
O Goberno español presentaralles un novo documento sobre a oficialidade do galego, o catalán e o éuscaro aos seus socios europeos
Este novo documento sobre a oficialidade do catalán, o éuscaro e o galego presentarase na reunión que celebrarán os países da Unión Europea en Bruxelas o vindeiro 19 de marzo.
Fonte: EuroEFE
Varias entidades deportivas de Santurtzi participan nunha iniciativa para incrementar o uso do éuscaro
Sumáronse a esta iniciativa para fomentar o uso do éuscaro no ámbito deportivo xuvenil cinco clubs de Santurtzi. Trátase dun programa que buscar mellorar a utilización do éuscaro fóra do ámbito educativo, así como a súa percepción.
Fonte: En Santurtzi
O Concello de Catarroja convoca un premio ao uso do valenciano nas Fallas
O Premio ao Uso do Valenciano nas Fallas de Catarroja 2024 ten como obxectivo recoñecer e fomentar o emprego desta lingua nos monumentos falleros e contribuír así á súa posta en valor nunha festa tan tipicamente valenciana.
Fonte: El Periòdic
Os gobernos español e vasco prorrogan catro anos o convenio para que as probas de acceso á avogacía se poidan realizar en éuscaro
Esta prórroga por catro anos do convenio, dotado de 6000 euros para 2024, permitiralles aos aspirantes realizar en Euskadi as probas de acceso á Avogacía e á Procuradoría en éuscaro ou en castelán.
Fonte: Gente
A campaña «L’Esport treu la llengua» amplía o seu ámbito de actuación ao deporte escolar e popular
A campaña comezou en abril de2022 co obxectivo de potenciar o uso do catalán no deporte, inicialmente o federado. Pero agora quere chegar tamén ao deporte escolar e popular, o que que suporía un impacto en máis dun millón de deportistas, adestradores, árbitros e outros profesionais.
Fonte: El Nacional
Segundo un estudo, o catalán é a lingua minoritaria con maior presenza nas plataformas de streaming
Un estudo analizou durante cinco anos a situación das linguas rexionais nas plataformas dixitais en 30 países europeos, concretamente, en Netflix, Amazon Prime e Disney+, e conclúe que a oferta de linguas minorizadas é moi escasa e desigual.
Fonte: El Nacional
O programa de nivel C1 de catalán adáptase aos criterios do Marco Europeo Común de Referencia
O novo programa de nivel de suficiencia C1 de catalán actualízase e adáptase ao Marco Europeo Común de Referencia para as linguas.
Fonte: Generalitat de Catalunya
O Concello de Laudio organiza unha campaña para impulsar o uso do éuscaro no comercio local
Ao longo do mes de marzo porase en marcha a décima edición da iniciativa «Euskara, sari zihurra» que ten como obxectivo impulsar o uso do éuscaro no comercio local.
Fonte: Noticias de Álava
A Generalitat de Cataluña financiará 22 proxectos de intelixencia artificial en catalán
En total, destinarase un millón de euros a 22 proxectos de empresas do sector da intelixencia artificial e as tecnoloxías da linguaxe. O anuncio realizouse no acto de presentación de Aina Challenge, o primeiro concurso de proxectos de IA en catalán.
Fonte: Generalitat de Catalunya
Boletín
Subscríbase ao boletín
