España
Publícase un dicionario do galego da comarca do Bierzo
Sara Rodríguez Fernández é a autora do Dicionario do galego do Bierzo, un volume que recolle o léxico da comarca. Inclúe 15 000 palabras coas súas definicións e as súas variantes.
Fonte: La Nueva Crónica
EITB lanza un novo servizo audiovisual de noticias en éuscaro
WhatsApp Orain é o novo servizo de noticias en éuscaro creado por informativos EITB que se engloba na marca dixital Orain Berriak. Primará as noticias de máis impacto social e o formato vídeo e imaxes.
Fonte: EITB
O Goberno vasco pon en marcha unha campaña para fomentar o uso do éuscaro no comercio e na hostalería en 131 localidades
Por cuarto ano consecutivo comeza a campaña «Eskatu Eskaini Euskaraz» que ten como obxectivo fomentar o uso do éuscaro no comercio e na hostalería e sensibilizar as persoas consumidoras. Un total de 131 localidades vascas participarán nesta iniciativa.
Fonte: Gobierno Vasco
Máis da metade dos profesionais do Servizo Vasco de Saúde conta co perfil lingüístico correspondente á súa praza
O Servizo Vasco de Saúde-Osakidetza multiplicou en vinte anos por sete a porcentaxe de profesionais que cumpren o perfil lingüístico da súa praza, ao pasar do 7,6 % ao 51 %.
Fonte: Gobierno Vasco
Os novos orzamentos do Principado recollen unha liña de axudas á produción audiovisual en asturiano
A Dirección Xeral de Acción Cultural e Normalización Lingüística conta cun orzamento de 14 340 276 euros, dos que 100 000 se destinarán, como novidade, á produción audiovisual ou a un novo premio de guión en asturiano ou galego-asturiano.
Fonte: Asturies.com
Celébrase o Día Internacional do Éuscaro centrado este ano na presenza desta lingua no mundo dixital
A celebración do Día Internacional do Éuscaro o 3 de decembro estivo centrada este ano nos retos no ámbito dixital e no fito que supón, neste sentido, a campaña GAITU para a captación de voces para que as tecnoloxías falen este idioma.
Fonte: Gobierno Vasco
A Generalitat de Cataluña organiza unha proba piloto para impulsar o uso do catalán nos servizos sociais
Unhas sesenta persoas participaron nunha proba piloto para fomentar o uso do catalán no ámbito dos servizos sociais. Esta actividade formativa buscaba coñecer as causas dos hábitos lingüísticos da poboación catalanfalante, adquirir competencias para usar esta lingua no contexto laboral ou intervir nos prexuízos lingüísticos.
Fonte: Generalitat de Catalunya
Preséntase un recurso ante o Tribunal Constitucional contra a eliminación do requisito do catalán na sanidade balear
PSOE e Sumar presentaron un recurso, impulsado pola Obra Cultural Balear, ante o Tribunal Constitucional contra o decreto que elimina o requisito do catalán na sanidade.
Fonte: Cadena SER
O informe de 2022 de Elebide recolle 212 incidencias relativas á vulneración dos dereitos lingüísticos
Este informe sinala que o ano pasado se rexistraron 212 incidencias por vulneracións dos dereitos lingüísticos, 65 menos que o ano anterior. O 96 % das queixas relacionouse co dereito a usar o éuscaro.
Fonte: Gobierno Vasco
A Real Academia Española presenta a nova actualización do seu dicionario que inclúe 4381 novidades
Trátase da actualización 23.7 do dicionario, que incorpora novos termos, novas acepcións e emendas de entradas xa existentes e supresións. Porén, a principal novidade é a inclusión por primeira vez da consulta de sinónimos e antónimos.
Fonte: Real Academia Española
Boletín
Subscríbase ao boletín
