España
O castelán é nas illas Baleares a lingua de uso preferente en todos os ámbitos
Segundo os datos do Censo de Poboación realizado polo INE en 2021, máis da metade da poboación do arquipélago usa sempre o castelán no ámbito familiar, coas amizades e no traballo, uns datos que reflicten os cambios demográficos nas illas debidos á chegada de novos residentes.
Fonte: Última Hora
A Generalitat Valenciana prevé que as familias escollan a lingua vehicular dos centros educativos
A Consellaría de Educación da Generalitat Valenciana está considerando a posibilidade de consultar as familias sobre a lingua vehicular dos seus fillos e fillas en cada centro escolar.
Fonte: El País
"Polarización" é para a Fundéu a Palabra do Ano 2024 en castelán
A Fundación do Español Urxente (Fundéu), promovida pola Real Academia Española e a Axencia EFE, escolleu "polarización" como Palabra do Ano 2023 en lingua castelá. Esta voz, cuxo uso se estendeu nos últimos anos, está presente no dicionario da RAE desde o ano 1884.
Fonte: Fundéu
O Goberno do País Vasco está a analizar a eficacia da dobraxe automática de contidos ao éuscaro por medio da IA
Telefónica Servizos Audiovisuais (TSA) e a Sociedade Informática do Goberno Vasco (EJIE, polas súas siglas en éuscaro) anunciaron que se están a realizar probas para avaliar a viabilidade de usar a dobraxe automática de contidos audiovisuais empregando a intelixencia artificial.
Fonte: Panorama Auodivisual
A Generalitat de Cataluña destina un millón de euros a proxectos e premios para fomentar o catalán
En 2023, a Secretaría de Política Lingüística do Departamento de Cultura da Generalitat de Cataluña destinou 890 000 euros a 116 proxectos e 160 000 euros a premios para fomentar o uso do catalán.
Fonte: Generalitat de Catalunya
Un total de 1300 persoas adultas recibiron axudas en Navarra para estudar éuscaro
O Instituto Navarro do Éuscaro (Euskarabidea) outorgoulle axudas a 1300 persoas adultas para estudaren éuscaro, un 30 % máis que o curso anterior.
Fonte: Navarra
A organización Plataforma pola Lingua das Illas Baleares controlará a visibilidade do catalán en internet
A organización non gobernamental Plataforma pola Lingua (Plataforma per la Llengua) das Illas Baleares terá agora o obxectivo de controlar a visibilidade do catalán en Google.
Fonte: La Vanguardia
Ponse en marcha unha votación para escoller o neoloxismo do ano en asturiano
As palabras propostas pola Academia da Lingua Asturiana para converterse en neoloxismo do ano en asturiano son cambéu climáticu, intelixencia artificial, xentrificación, llimpieza étnica e xeollocalización.
Fonte: La Voz de Asturias
A Generalitat de Cataluña apoia trinta empresas para incrementar a oferta de xogos en catalán
Apoiáronse 48 proxectos de 30 empresas ás que se destinaron preto de 300 000 euros por medio dunha liña de axudas que teñen como obxectivo fomentar a incorporación do catalán aos xogos de mesa.
Fonte: Generalitat de Catalunya
A Generalitat de Cataluña subvenciona a tradución ao catalán de máis de 150 obras non literarias
Ao longo do ano 2023, apoiáronse 52 editoriais para a tradución dun total de 153 obras non literarias, 30 máis que en 2022, a través de axudas por un importe que ascende a 464 561,54 euros.
Fonte: Generalitat de Catalunya
Boletín
Subscríbase ao boletín
