España
Increméntase o número de estudantes matriculados na materia de aragonés
Arredor de 1300 estudantes reciben neste curso 2023-24 clases de aragonés en 30 centros de primaria e secundaria de 50 localidades de Aragón, o que supón un incremento con respecto a anos anteriores.
Fonte: Aragón Noticias
Elgoibar ofrece un programa de faladoiros para practicar éuscaro
O Concello de Elgoibar, a asociación Elgoibarko Izarra e os euskaltegis da localidade organizan unha nova edición do programa de faladoiros en éuscaro para mellorar a expresión oral nesta lingua.
Fonte: El Diario Vasco
A Academia Aragonesa da Lingua e a institución do Xustiza de Aragón asinan un convenio para o uso, a protección e a promoción das linguas aragonesas
Ambas as institucións asinaron un convenio marco de colaboración que ten como obxectivo fomentar o uso, a protección e a promoción das linguas e as modalidades lingüísticas propias de Aragón.
Fonte: La Litera Información
Lanzan unha campaña para demandarlles aos estados que voten a favor da oficialidade do catalán na UE
Baixo o lema «Say yes», a Plataforma per la Llengua puxo en marcha unha campaña para solicitarlles aos estados que voten a favor da oficialidade do catalán na UE.
Fonte: La Vanguardia
O Concello de Bilbao organiza unha nova edición de Biribilko, o programa de cursos de éuscaro para comercio e hostalería
No marco do programa Biribilko, o Concello de Bilbao organiza cursos de éuscaro dirixidos a profesionais da hostalería e o comercio co obxectivo de facilitarlles a aprendizaxe desta lingua, así como o seu uso nas relacións profesionais.
Fonte: Ayuntamiento de Bilbao
A Generalitat de Cataluña internacionaliza o proxecto AINA para impulsar o catalán no mundo dixital
A Generalitat de Catalunya asinou un acordo con GSMA, entidade que organiza o Mobile World Congress de Barcelona, polo que se comprometen a traballar conxuntamente na promoción do catalán no ámbito tecnolóxico e dixital a nivel global a través do proxecto AINA.
Fonte: Generalitat de Catalunya
Máis de 5700 persoas obteñen o certificado de coñecemento do catalán
As probas para a obtención dun certificado de coñecemento do catalán alcanzaron unhas cifras de récord na convocatoria deste ano, á que se presentaron 8306 persoas das que aprobaron 5731.
Fonte: Generalitat de Catalunya
A Generalitat de Cataluña convoca axudas para incorporar o catalán aos xogos de mesa
Esta nova liña de axudas conta cunha dotación de 150 000 euros para incorporar o catalán aos xogos de mesa e está dirixida ás empresas con acreditación de distribución e comercialización deste tipo de xogos.
Fonte: Generalitat de Catalunya
O Goberno vasco incrementa a dotación das axudas á produción audiovisual en éuscaro
Esta convocatoria de axudas correspondente ao exercicio 2023, inicialmente dotada con 2,43 millóns de euros, incrementarase en 800 000 euros adicionais, que se destinarán a proxectos audiovisuais en éuscaro.
Fonte: Gobierno Vasco
Comeza no País Vasco a campaña de matriculación en euskaltegis para o curso 2023-2024
O obxectivo desta campaña, que ten como lema «Aprender éuscaro, un camiño cada vez máis sinxelo», é animar a cidadanía a inscribirse no euskaltegi.
Fonte: Gobierno Vasco
Boletín
Subscríbase ao boletín
