España
Ponse en marcha unha votación para escoller o neoloxismo do ano en asturiano
As palabras propostas pola Academia da Lingua Asturiana para converterse en neoloxismo do ano en asturiano son cambéu climáticu, intelixencia artificial, xentrificación, llimpieza étnica e xeollocalización.
Fonte: La Voz de Asturias
A Generalitat de Cataluña apoia trinta empresas para incrementar a oferta de xogos en catalán
Apoiáronse 48 proxectos de 30 empresas ás que se destinaron preto de 300 000 euros por medio dunha liña de axudas que teñen como obxectivo fomentar a incorporación do catalán aos xogos de mesa.
Fonte: Generalitat de Catalunya
A Generalitat de Cataluña subvenciona a tradución ao catalán de máis de 150 obras non literarias
Ao longo do ano 2023, apoiáronse 52 editoriais para a tradución dun total de 153 obras non literarias, 30 máis que en 2022, a través de axudas por un importe que ascende a 464 561,54 euros.
Fonte: Generalitat de Catalunya
Unha delegación da Eurocámara chega a Cataluña para analizar o modelo de inmersión lingüística
Doce eurodeputadas/os viaxaron a Cataluña como parte dunha delegación para analizar o modelo de inmersión lingüística, para o que se reuniron con diferentes colectivos como representantes de familias e profesorado, asociacións, sociedade civil, membros da xudicatura etc.
Fonte: La Vanguardia
O Goberno vasco financiará un programa para promover o consumo audiovisual en éuscaro entre a poboación infantil
O programa «Euskara Zinema Aretoetara», que recibirá do Goberno unha subvención de 45 000 euros, busca promover o consumo audiovisual en éuscaro entre a poboación infantil dos centros educativos vascos e a elaboración de material didáctico específico.
Fonte: Gobierno Vasco
A Generalitat de Cataluña publica un estudo que analiza o uso do catalán entre a mocidade
O estudo Les dinàmiques del català entre els joves: reptes, principis i arguments per a l'acció mostra a situación e os retos do catalán entre a mocidade e proporciona uns principios de actuación para fomentar o seu uso neste colectivo.
Fonte: Generalitat de Catalunya
O Instituto Cervantes aposta por ensinar lingua asturiana nos seus centros de todo o mundo
O director do Instituto Cervantes mostrouse partidario de ofertar cursos de lingua asturiana nos centros que a institución ten distribuídos por todo o mundo, posto que unha das súas obrigas é a difusión das linguas do Estado español.
Fonte: El Comercio
Só 17 dos 248 xuíces que hai no País Vasco teñen capacidade de celebrar un xuízo en éuscaro
Só 17 dos 284 xuíces que hai no País Vasco contan co perfil lingüístico axeitado para celebrar un xuízo oral en éuscaro. Esta é unha das conclusións dunha xornada organizada pola Fundación Sabino Arana sobre o emprego desta lingua na Administración de Xustiza.
Fonte: Deia
O Concello de Hernani presenta o seu plan de éuscaro para o período 2023-2027
O Concello de Hernani presentou o Plan de éuscaro 2023-2027 co obxectivo de continuar coa normalización desta lingua no municipio e no que destaca a creación do Consello do Éuscaro.
Fonte: Diario Vasco
O Goberno do Principado convoca axudas para a normalización do asturiano nas empresas
A convocatoria de dúas novas liñas de subvencións, cunha dotación de 120 000 euros, destinarase a apoiar iniciativas de normalización do asturiano ou o eonaviego impulsadas por empresas ou por asociacións e fundacións.
Fonte: La Nueva España
Boletín
Subscríbase ao boletín
