Seis europarlamentarios visitarán Cataluña o vindeiro mes de decembro para coñecer o modelo de inmersión lingüística nas escolas catalás co obxectivo de recompilar información sobre este tema a raíz da denuncia presentada en 2017 pola AEB.

Fonte: Última Hora

Euskaraz barra-barra é un novo distintivo para promover o uso do éuscaro, impulsado polos Gobernos vasco e navarro e polo Organismo Público da Lingua Vasca, que ten como obxectivo identificar espazos nos que a cidadanía pode expresarse neste idioma con tranquilidade. 

Fonte: Gobierno Vasco

Todas as películas da Sección Oficial do Zinemaldia contarán, a partir da edición deste ano, con subtítulos en éuscaro, ademais de en castelán e inglés. Deste xeito, desde o festival queren contribuír ao uso e fomento da lingua vasca, así como á súa visualización internacional.

Fonte: El Diario

O Concello de Éibar solicitoulles aos clubs deportivos aos que lles asigna subvencións a elaboración dun plan de éuscaro, cuxo obxectivo é que esta lingua forme parte da actividade diaria destas entidades e do seu persoal.  

Fonte: Eibarko Udala

Plataforma per la Llengua lanza catalaoficial.eu, unha web que forma parte da campaña impulsada por esta organización a prol da oficialidade do catalán na Unión Europea, aproveitando a presidencia española da UE.  

Fonte: Públic

O Goberno de Navarra organiza, xunto a 33 entidades locais e diferentes axentes do sector do ensino do éuscaro a persoas adultas, a campaña anual «Éuscaro Agora» para impulsar a aprendizaxe desta lingua.

Fonte: Gobierno de Navarra

Estes cursos de éuscaro están dirixidos a profesionais do sector do comercio e desenvolveranse entre os meses de outubro e febreiro co obxectivo de axudar a mellorar a atención á clientela euscalduna.

Fonte: San Sebastián Shops

O 11 de setembro celébrase a Diada, cuxo lema deste ano é «Una llengua, molts accents», co que se queren denunciar os ataques a esta lingua, así como poñer en valor a súa riqueza e diversidade.

Fonte: CatalunyaPress

Solicítanlle á presidenta do Congreso dos Deputados que o aranés, que é tamén lingua oficial en Cataluña, se poida empregar na Cámara Baixa, nas mesmas condicións que o galego, o catalán e o éuscaro.

Fonte: Nius

Os cursos de aprendizaxe de éuscaro para persoas adultas, que se poderán cursar no Euskaltegi Zubiarte de Huarte, inclúen todos os niveis (A1, A2, B1, B2 e C1) e ofértanse en modalidade presencial e en liña.

Fonte: Gobierno de Navarra