España
O Concello de Bilbao convoca axudas para aprender éuscaro destinadas ás familias
O Concello de Bilbao concede axudas para a aprendizaxe do éuscaro destinadas ao colectivo de nais e pais con fillos e fillas que nacesen a partir de 2009.
Fonte: Bige
O Concello de Manacor edita unha guía de acollida plurilingüe para os novos habitantes que cheguen ao municipio
A Guia Municipal d'Acollida está dispoñible en cinco idiomas (catalán, castelán, inglés, alemán e árabe) e inclúe información sobre os servizos que ofrece o Concello, así como outros aspectos básicos do municipio.
Fonte: Diario de Mallorca
Arredor de 14 700 persoas asisten aos exames de acreditación dos niveis de éuscaro
Os exames de acreditación dos niveis de éuscaro, organizados por HABE, tiveron lugar entre o 4 e o 6 de maio. Nesta convocatoria máis da metade das persoas inscritas presentábase ao exame de C1.
Fonte: Gobierno Vasco
O Goberno vasco pon en marcha un plan para impulsar a transmisión familiar do éuscaro
Malia o importante impulso do éuscaro respecto do seu coñecemento entre a poboación, obsérvase unha caída na transmisión desta lingua no ámbito familiar. Por este motivo, o Goberno vasco quere impulsar un plan que contribúa á transmisión lingüística desde a xestación ata a escola.
Fonte: El Independiente
Unha delegación flamenga visita Euskadi para coñecer a realidade lingüística vasca
Unha delegación da comunidade lingüística flamenga de Bruxelas está de visita en Euskadi para, ao longo de cinco días, manter varias reunións para coñecer a situación do éuscaro e as políticas públicas de promoción desta lingua nos ámbitos institucional, educativo ou económico.
Fonte: Gobierno Vasco
Un estudo determina que o 26,5 % da poboación de Navarra de 3 ou máis anos ten algún coñecemento de éuscaro
O estudo do Instituto de Estatística de Navarra (Nastat) reflicte a competencia lingüística en éuscaro da poboación residente en Navarra no ano 2021 e especifica que a porcentaxe de persoas que entenden e falan ben esta lingua é de 14,9 %, a de persoas que a entenden ben ou con dificultade pero non a falan ou o fan con dificultade é de 11,6 % e a de persoas non vascofalantes, de 73,5 %.
Fonte: La Vanguardia
Unha manifestación pola oficialidade do asturiano reúne centos de persoas en Oviedo
A Semana das Letras Asturianas conclúe cun movemento de reivindicación lingüística que reclama a reforma do Estatuto de Autonomía e a oficialidade do asturiano e do galego-asturiano para a próxima lexislatura.
Fonte: El Salto
O Concello de Amurrio premia as persoas que empreguen o éuscaro en establecementos do municipio
A nova edición da campaña “Eskatu euskaraz eta saria irabazi” conta coa participación de 24 establecementos que facilitarán a comunicación en éuscaro coa súa clientela e animarán todos os consumidores a que se expresen nesta lingua a través da oferta de descontos, agasallos e a oportunidade de gañar 300 euros para gastar nos comercios, empresas de servizos ou bares colaboradores.
Fonte: Noticias de Álava
Créase unha guía de entrevistas sobre o cambio climático en castelán, galego, éuscaro e catalán
A Asociación de Periodistas de Información Ambiental (APIA) presenta unha guía práctica que proporciona fontes bibliográficas, datos sobre as principais ONG ecoloxistas e movementos sociais, un decálogo de boas prácticas e recomendacións para que os xornalistas realicen cada vez máis entrevistas nas que o medio ambiente sexa o tema transversal, co obxectivo de que se divulguen en varias seccións dos diferentes medios de comunicación de proximidade.
Fonte: La Vanguardia
A Comisión Europea estuda a viabilidade de incluír o galego, o éuscaro e o catalán na plataforma de aprendizaxe de linguas en liña
A CE comprométese a estudar fórmulas para integrar o galego, o catalán e o éuscaro nesta plataforma destinada a axudar aos participantes do programa Erasmus+ e o Corpo Europeo de Solidariedade a mellorar os seus coñecementos dunha lingua.
Fonte: Galicia Press
Boletín
Subscríbase ao boletín
