España
Deportistas de éxito súmanse a unha campaña en defensa da lingua catalá
Deportistas como Alexia Putellas, Ansu Fati, Esther Guerrero, Albert Ventura, Oriol Romeu, Sergi Darder ou Aina Florenza, entre outros, uníronse para apoiar a campaña «L’esport treu la llengua» que ten como obxectivo impulsar o uso do catalán entre os clubs, deportistas e profesionais do sector en Cataluña.
Fonte: Món Esport
O Departamento de Relacións Cidadás de Navarra destina 350 000 euros para subvencionar cursos de éuscaro
O Goberno de Navarra convoca subvencións para que as persoas adultas aprendan éuscaro en internados, cursos extensivos e intensivos, de autoaprendizaxe e cursos específicos. O alumnado destinatario pode solicitar axuda para máis dun curso dentro do curso escolar.
Fonte: Navarra.es
Convócanse subvencións en materia de política lingüística en Aragón
As axudas van dirixidas a entidades sen ánimo de lucro e o seu obxectivo é financiar a realización de actividades culturais relacionadas coa promoción e sensibilización social do patrimonio lingüístico de Aragón. A Dirección Xeral de Política Lingüística prevé destinar a esta iniciativa un orzamento de 30 000 euros.
Fonte: Heraldo
A dobraxe en éuscaro rexorde grazas ás plataformas dixitais
O incremento da dobraxe en éuscaro mellorou as expectativas dos profesionais do sector, sobre todo, grazas á animación, que representa o 85 % do que se dobra.
Fonte: Cadena SER
O Instituto Nacional de Estatística ofrece novos datos sobre o uso e o coñecemento da lingua catalá
O INE fixo públicos recentemente os datos da Enquisa de Características Esenciais da Poboación e Vivendas correspondentes ao ano 2021 que sinalan que arredor de 13 millóns de persoas entenden o catalán en todo o Estado español, onde, tamén apuntan, é a segunda lingua inicial e que a saben falar 11,5 millóns de persoas.
Fonte: Generalitat de Catalunya
O Goberno balear organiza excursións para fomentar o uso da lingua catalá
Estas novas actividades, organizadas ao abeiro da iniciativa «La llengua camina», ten como obxectivo promover o uso do catalán a través de excursións por diferentes lugares do arquipélago ao longo dos meses de abril e maio.
Fonte: Diario Día
Pamplona acolle unha concentración para esixir a oficialidade do éuscaro en toda Navarra
Máis de 200 colectivos esixiron a oficialidade do éuscaro en toda Navarra ás portas do Parlamento da Comunidade Foral, unha iniciativa impulsada desde Kontseilua.
Fonte: Noticias de Navarra
O Tribunal Constitucional permite o uso das linguas cooficiais nos procesos xudiciais sempre e cando non produzan a indefensión dalgunha das partes
Despois de resolver unha solicitude de amparo dunha empresa que reclamaba ter recibido unha resolución en catalán, o Tribunal avala o uso das linguas cooficiais sempre que non se produza unha indefensión constitucionalmente relevante derivada da súa utilización.
Fonte: RBD Noticias
Un grupo de expertos reflexiona sobre o papel do ocio educativo na promoción do catalán
Nun contexto de retroceso no uso social da lingua catalá, diferentes expertos e expertas contemplan as actividades de ocio educativo como un medio clave e facilitador para revitalizar o catalán e o seu uso, sobre todo entre a mocidade.
Fonte: La Vanguardia
Os títulos oficiais de éuscaro do Goberno de Navarra e de Iparralde serán automaticamente recoñecidos polo Goberno vasco
O Goberno vasco recoñecerá de maneira automática a validez, na Comunidade Autónoma Vasca, dos títulos oficiais de éuscaro expendidos polo Departamento de Educación do Goberno de Navarra e polo Organismo Público da Lingua Vasca de Iparralde. Así, xa non é necesaria unha análise técnica para lograr a validación dos títulos.
Fonte: Noticias de Navarra
Boletín
Subscríbase ao boletín
