España
O programa de parellas lingüísticas da Generalitat de Cataluña fai 20 anos
O programa de parellas lingüísticas “Voluntariat per la Llengua” da Generalitat de Cataluña, xestionado polo Consorcio pola Normalización Lingüística, conmemora vinte anos de existencia.
Fonte: Generalitat de Catalunya
O Constitucional suprime o uso prioritario do éuscaro nos concellos
O Tribunal Constitucional non admite que os concellos vascos dean maior prioridade ao éuscaro na xestión administrativa.
Fonte: El Diario Vasco
Un proxecto universitario de intelixencia artificial pretende traducir as linguas con menos falantes
O proxecto de tradución automática neuronal para as linguas románicas da península ibérica (TAN-IBE), no que traballan varias universidades, pretende aproveitar a intelixencia artificial para desenvolver mecanismos de tradución a linguas con menos recursos como o aragonés, aranés e asturiano, por exemplo.
Fonte: Galicia Confidencial
O 67 % da poboación estranxeira que vive en Cataluña sabe falar catalán
Segundo a “Estatística de características esenciais da poboación e vivendas. Linguas. 2021", elaborada polo Instituto de Estatística de Cataluña (Idescat), o 67,5 % da poboación estranxeira que habita en Cataluña sabe falar catalán; o 72,9 % sábeo ler; e o 57 %, escribir.
Fonte: La Vanguardia
Publícase un novo dicionario en liña con palabras esenciais do catalán
O Instituto de Estudos Cataláns publicou en liña o Diccionari essencial de la llengua catalana (DEIEC), unha ferramenta que conta con 39 300 palabras e que ofrece orientacións sobre a forma de usar as palabras, así como exemplos e combinacións léxicas que poden resultar de utilidade.
Fonte: La Vanguardia
Apróbase o modelo para os novos plans estratéxicos de normalización do uso do éuscaro
O Goberno vasco aprobou o modelo que se debe seguir en todos os departamentos e organismos autónomos para o novo período de planificación para a normalización do uso do éuscaro.
Fonte: Gobierno Vasco
TV3 e Catalunya Ràdio confluirán nunha nova marca para potenciar os contidos en catalán
TV3 e Catalunya Ràdio fusionaranse na marca 3Cat coa que buscan potenciar os contidos en catalán e mellorar a súa competitividade no actual contexto dixital.
Fonte: El Nacional
HBO Max incorpora máis de cen títulos en lingua catalá
Grazas ao traballo conxunto entre o Departamento de Cultura e a Corporación Catalá de Medios Audiovisuais (CCMA), nun mes a plataforma HBO Max pasou de ter menos do 0,1 % do seu catálogo en catalán, a ofrecer preto do 7 % de contido nesta lingua.
Fonte: Generalitat de Catalunya
O Hospital de la Santa Creu i Sant Pau acolle unha exposición para fomentar o uso do catalán no ámbito sanitario
Este hospital barcelonés inaugurou unha exposición que, baixo o título ‘Quan parles fas màgia’, ten como obxectivo fomentar o uso do catalán entre os profesionais do ámbito sanitario.
Fonte: Generalitat de Catalunya
O Concello de Bermeo ofrece axudas aos establecementos comerciais para que coloquen rótulos en éuscaro
Os establecementos comerciais de Bermeo poderán recibir unha axuda de ata 300 euros por colocar os rótulos en éuscaro. Trátase dunha iniciativa do concello que ten como obxectivo fomentar o uso desta lingua no ámbito comercial e empresarial.
Fonte: Radio Popular
Boletín
Subscríbase ao boletín
