España
As cooperativas de Mondragón impulsan a elaboración de plans de éuscaro
Os membros de Euskaragileak animan a outras empresas a pór en marcha plans de éuscaro adaptados ás súas características e necesidades, para o que elaboraron un documento informativo que divulgarán polas empresas.
Fonte: TU Lankide
O Concello de Amorebieta-Etxano pon en marcha un proxecto para aprender éuscaro a través de cancións vascas
O proxecto Kantakatilu, que se porá en marcha a partir de outubro, consiste na práctica do éuscaro a partir de cancións vascas, co obxectivo de practicar esta lingua e crear redes entre euscaldúns.
O Concello de Samaniego convoca axudas para o estudo do éuscaro
Para poder beneficiarse destas axudas, cómpre levar empadroado/a no municipio, polo menos, un ano; ter máis de 16 anos e estar matriculado/a nun centro de ensino de éuscaro.
Fonte: Gaztea
O Concello do Condado de Treviño estuda adiantar a idade de estudo do éuscaro
A edil responsable de Educación, Éuscaro, Benestar Social e Igualdade intentará no futuro que a Junta de Castela e León permita a aprendizaxe do éuscaro antes de sexto de primaria para evitar a marcha de alumnado ao País Vasco.
Fonte: Diario de Burgos
O galego, o catalán e o éuscaro poderán utilizarse no Congreso
A presidenta do Congreso anunciou, durante o seu primeiro discurso, que permitirá o uso do galego, o catalán e o éuscaro na Cámara Baixa.
Fonte: Deia
O Consorcio pola Normalización Lingüística organiza novos cursos de catalán
As persoas que non foron alumnas do Consorcio pola Normalización Lingüística no último ano teñen que facer unha proba de nivel. A solicitude desta, así como o trámite de inscrición, pode facerse en liña ou presencialmente.
Fonte: Ajuntament de Barcelona
Incrementar a lectura en catalán é o gran reto do sector editorial de Cataluña
O sector editorial de Cataluña confía en que o Plan nacional do libro e a lectura axude a conseguir o obxectivo de aumentar o número de lectoras e lectores en catalán.
Fonte: El Nacional
Convócanse axudas a proxectos de innovación e dixitalización de medios de comunicación en éuscaro
Euskarabidea-Instituto Navarro do Éuscaro convocou axudas a proxectos de innovación e dixitalización de medios de comunicación éuscaro, unha convocatoria cuxa dotación é de 246 500 euros e que ten como obxectivo facilitar a evolución tecnolóxica e a transformación dixital.
Fonte: Gobierno de Navarra
O Goberno de Cataluña organiza cursos de catalán para a mocidade residente no estranxeiro
Estes cursos en liña de aprendizaxe de catalán están dirixidos á mocidade de entre 12 e 17 anos que reside no estranxeiro e que xa estean familiarizados co idioma co obxectivo de que melloren as súas competencias a nivel oral e escrito.
Fonte: La Vanguardia
A nova estrutura do Goberno de Asturias incorporará por vez primeira unha Subdirección Xeral de Política Lingüística
A Subdirección Xeral de Política Lingüística analizará e proporá medidas para o desenvolvemento da lexislación relativa á normalización do uso do asturiano e do galego-asturiano, así como criterios lingüísticos en materia de contratación, publicacións, subvencións etc., entre outras funcións.
Fonte: La Voz de Asturias
Boletín
Subscríbase ao boletín
