España
Unhas lentes de realidade virtual serviranlles aos profesionais do Servizo Vasco de Saúde para mellorar o seu éuscaro
Estas lentes de realidade virtual, desenvolvidas no Hospital Santa Marina de Bilbao, son, polo momento, só un prototipo e imitan situacións reais coas que os profesionais poden mellorar o seu éuscaro.
Fonte: EITB
A Universidade Rovira i Virgili alcanza cifras récords nos cursos iniciais de catalán para estudantes de fóra de Cataluña
Os cursos iniciais para aprender catalán da Universidade Rovira i Virgili, que se impartirán entre o 7 e o 21 de setembro, alcanzaron os 150 estudantes provenientes de fóra de Cataluña, o que supón unha cifra récord respecto á edición do ano pasado.
Fonte: Diari Més
A lingua sitúase como cuarto motivo máis habitual de discriminación en Barcelona
Segundo o Informe do Observatorio das Discriminacións en Barcelona correspondente ao ano 2022, falar en catalán sitúase como cuarto motivo de discriminación nesta cidade.
Fonte: DBalears
O Concello de Beasain oponse a que se lles denegue aos concellos o uso exclusivo do éuscaro
O Pleno de Beasain denuncia a sentenza do Tribunal Constitucional contra a Lei municipal de 2016 que lles permite aos concellos expresarse integramente en éuscaro.
Fonte: El Diario Vasco
Medra o número de empresas do Principado que utiliza o asturiano
O posto que ten na Feira Internacional de Mostras de Asturias (FIDMA) a entidade Iniciativa polo Asturiano evidencia o incremento do número de empresas de diferentes sectores que prestan os seus servizos e produtos en lingua asturiana.
Fonte: Asturies.com
O pleno do Concello de Xixón aproba unha moción a prol da música en asturiano
O pleno do Concello de Xixón aprobou a moción presentada dende a iniciativa «Música n’asturianu SÍ» impulsada por unha agrupación de músicos, empresas e asociacións vinculada á música asturiana.
Fonte: Nortes
O Porto de Tarragona organiza un ciclo de cinema en catalán
Debido ao éxito da edición do pasado ano, ao longo do mes de agosto ofreceranse sesións de balde todos os xoves, nas que se proxectarán cinco películas en catalán para todos os públicos.
Fonte: Diari Més Digital
Preséntase 'Xálima', un documental sobre a lingua do val do río Ellas
O documental Xálima, dirixido por Henrique Sanfiz, mostra a realidade lingüística dos tres concellos estremeños do val do río Ellas onde se usa a fala, unha variedade do galego, segundo a tese máis aceptada polos lingüístas.
Fonte: Nós Diario
As universidades de Cataluña, Comunidade Valenciana e Baleares reciben preto de 90 queixas por discriminación lingüística
A campaña 'La universitat, en català!'' recibiu 88 queixas por discriminacións lingüísticas na universidade no curso 2022-2023, a maioría en Cataluña.
Fonte: El Nacional
Amurrio actualiza o seu mapa do éuscaro, unha ferramenta que identifica os establecementos euscaldúns
Cada seis meses, o Concello de Amurrio actualiza o denominado Mapa do Ésucaro, unha ferramenta creada en 2019 que permite identificar establecementos e persoas do municipio que utilizan o éuscaro.
Fonte: Noticias de Álava
Boletín
Subscríbase ao boletín
