España
O concurso Mihiluze volverá a EITB co éuscaro e o humor como ingredientes principais
Dez anos despois de que finalizase a súa emisión, o concurso Mihiluze volve á televisión vasca con importantes novidades, pero co mesmo obxectivo de xogar e divertirse co éuscaro.
Fonte: EITB
O Goberno vasco destina 2 millóns de euros a programas de reforzo lingüístico en centros educativos concertados
O Departamento vasco de Educación destinará o vindeiro curso 2 millóns de euros a subvencións para a posta en marcha de programas de reforzo lingüístico en centros de ensino concertados co obxectivo de paliar as dificultades comunicativas relacionadas co descoñecemento das dúas linguas oficiais, éuscaro e castelán.
Fonte: El Correo
O Tribunal Supremo anula os proxectos lingüísticos de dous centros por non incluír o castelán como lingua vehicular
O Tribunal Supremo anulou os proxectos lingüísticos de dous centros educativos públicos de Barcelona por incumprir co mínimo do 25 % de castelán, despois de rexeitar os recursos de casación presentados pola Generalitat de Cataluña.
Fonte: Deia
Portugalete convoca axudas para a realización de actividades en éuscaro
O Concello de Portugalete concederá subvencións a asociacións sen ánimo de lucro do municipio para a realización en 2022 de actividades que se desenvolvan integramente en éuscaro.
Fonte: Ayuntamiento de Portugalete
Descobren unha importante pegada da lingua catalá no maltés
Esta importante pegada ponse de manifesto nos apelidos da poboación maltesa, xa que entre un 15 e un 30 % son cataláns; nos nomes de paxaros, como demostra o feito de que un 8 % procede tamén desta lingua; ou nos dicionarios de maltés, con presenza de moitas palabras con orixe ou influencia do catalán.
Fonte: El Nacional
O Goberno balear adxudica as axudas para o fomento do uso da lingua catalá
As axudas para o fomento do uso da lingua catalá, ás que se destina unha partida de 325 000 euros (110 000 máis que o ano anterior), convócanse anualmente para repartir entre concellos e entidades sen ánimo de lucro que realizasen accións de promoción e impulso social do catalán en Baleares.
Fonte: La Vanguardia
O Concello de Estella-Lizarra concede axudas para campamentos en éuscaro e para a aprendizaxe desta lingua
O Concello de Estella-Lizarra aprobou a concesión de axudas económicas para campamentos de verán en éuscaro e para a súa aprendizaxe por parte de persoas maiores de 16 anos.
Os partidos da Segunda División española van poder seguirse nas linguas cooficiais
A canle LaLiga SmartBank TV ofrecerá a opción de acceder á narración e aos comentarios das retransmisións dos partidos de fútbol da Segunda División da tempada 2022-2023 en todas as linguas cooficiais.
Fonte: Asturies.com
O Concello de Santurtzi fomenta a aprendizaxe do éuscaro
O Concello de Santurtzi impulsará o coñecemento e o uso do éuscaro no municipio mediante a concesión de axudas entre a poboación que cursou estudos para aprender esta lingua.
Fonte: Deia
Denuncian que a Universidade de Oviedo retira o asturiano da súa oferta de idiomas para o curso 2022-2023
A Casa das Linguas da Universidade de Oviedo ofertará para o curso 2022-2023 a ensinanza de 15 idiomas entre os que non figura o asturiano que se substituíu polo ucraíno.
Fonte: Asturies.com
Boletín
Subscríbase ao boletín
