Unha das novidades de iOS 16 é que o sistema pode ler contidos en idiomas cooficiais como catalán, éuscaro, galego e valenciano. De momento, o que desenvolveu Apple son as voces básicas nestas linguas para poder ler texto a persoas que necesiten esa función de accesibilidade.

Fonte: Applesfera

Baixo o lema «Euskararekin irabazi egingo duzu/ Con el euskera ganarás», o Concello de Bilbao pon en marcha unha nova campaña de matriculación nos euskaltegis da cidade que incide nas vantaxes de aprender e usar esta lingua nos diferentes ámbitos.

Fonte: Ayuntamiento de Bilbao

A Semana do Libro en Catalán, que ten como lema «La llengua que ens uneix», celebrarase ata o 18 de setembro nunha edición que apostará pola unidade da lingua catalá e por reivindicar o seu uso social.

Fonte: Última Hora

Trátase do segundo punto da autoaprendizaxe do municipio, un servizo gratuíto que ofrece o Concello que consta de varias sesións titorizadas de catalán dos niveis inicial, medio e superior, así como de linguaxe administrativa.

Fonte: Diario de Ibiza

Arredor de 8300 novos estudantes están matriculados xa na Universidade do País Vasco. Respecto ao idioma, o 53,5 % realizará os seus estudos de grao en grupos de éuscaro e o 46,5 %, en castelán.

Fonte: EITB

Ademais, segundo a mesma enquisa, un 35 % dos cataláns que non teñen LinkedIn usaríano se incorporase a lingua catalá, unha porcentaxe que se incrementa ata o 48 % no caso da xente nova.

Fonte: Plataforma per la Llengua

Xa está aberto o prazo de matriculación para os cursos de éuscaro dirixidos a nais e pais cunha campaña que ten como lema «Concilia a túa vida co éuscaro».

Fonte: EITB

Do 5 ao 9 de setembro celébranse as xornadas «Las lenguas del Camino» que inclúen seis conferencias sobre a historia, a evolución e a situación actual das linguas que se falan por onde discorren as distintas rutas do Camiño de Santiago no norte da península.  

Fonte: Gente

O Centro de Interpretación do Aragonés acollerá o festival MosiCasbas que ten como obxectivo poñer en valor esta lingua a través da música. En total, celebraranse catro concertos cada domingo desde o 11 de setembro ata o 2 de outubro.

Fonte: El Periódico de Aragón

En total ofrécense máis de 1300 cursos de catalán  de todos os niveis que suporán unhas 28 500 prazas. Respecto á modalidade, poderán ser presenciais ou en liña, e tamén semivirtuais.

Fonte: Generalitat de Catalunya