Preténdese así animar a cidadanía a relacionarse coa Administración en éuscaro, xa que, malia que nos últimos anos se incrementou o número de persoas que fan a declaración da renda nesta lingua, existe marxe de mellora tendo en conta a realidade sociolingüística da comarca.

Fonte: Diario Vasco

A Xunta de Goberno Local aprobou destinar 96 000 euros á convocatoria de axudas para proxectos de promoción do éuscaro en ámbitos como o lecer, o deporte e os medios de comunicación locais.

Fonte: Ayuntamiento de Vitoria-Gasteiz

IB3, a radiotelevisión autonómica das Illas Baleares, cobrará máis barata a publicidade que se faga en catalán, unha iniciativa que ten como obxectivo impulsar a realización de anuncios nesta lingua, principalmente, os destinados ao público máis novo.  

Fonte: Diario de Mallorca

A consolidación de persoal interino, que ten como obxectivo reducir a temporalidade na Administración vasca (que alcanza o 40 %), deixou ao descuberto a realidade dalgúns traballadores e traballadoras que non poden acreditar o perfil lingüístico esixido para o seu posto.

Fonte: Cadena SER

A cidade de Donostia-San Sebastián acolleu o final da Korrika, a carreira a prol do éuscaro que chegou á cidade vasca tras percorrer 2500 quilómetros por diferentes puntos de toda Euskal Herria.

Fonte: SER

Unha enquisa do Centro de Estudos de Opinión mostra que, entre a dobraxe ao catalán ou ao castelán e o subtitulado en catalán ou castelán, un 62 % da poboación de Cataluña prefire a dobraxe de películas ou series.

Fonte: La Vanguardia

Coa sinatura do convenio de colaboración para redactar o Diccionario histórico de la lengua española (DHLE), comeza unha nova etapa deste proxecto que contará co traballo de investigación de expertos na historia da lingua.

Fonte: Galicia Confidencial

A organización Iniciativa pol Asturianu entregoulles en Mieres ás Tanxugueiras a distinción de Embaixadoras da Lingua Asturiana. O trío galego, ademais, mostrou o seu apoio á oficialidade durante a celebración dun concerto.  

Fonte: Asturies.com

Compendium.cat, o novo portal xurídico catalán, é unha ferramenta gratuíta e fácil de usar. Pretende contribuír á normalización do uso da lingua catalá no ámbito da xustiza e converterse en referente da linguaxe xurídica.

Fonte: Generalitat de Catalunya

A páxina web de Arasaac, o Centro Aragonés para a Comunicación Aumentativa e Alternativa, contén máis de 12 500 pictogramas traducidos ou en proceso de tradución a 25 linguas, que, na actualidade, se está a traducir a oito máis

Fonte: Heraldo