España
Preséntase o proxecto Mintzakide para impulsar grupos de conversación en éuscaro
O proxecto Mintzakide é unha iniciativa que ten como obxectivo promover a creación de grupos de conversación en éuscaro en Tudela e a Ribera.
Fonte: Plaza Nueva
A Generalitat de Cataluña mantén o contacto con algunhas plataformas de streaming para que reforcen a súa oferta en catalán
A titular do Departamento de Cultura informou de que se iniciaron conversas con plataformas audiovisuais como Amazon Prime, Netflix ou HBO para que inclúan máis contidos en catalán nos seus respectivos catálogos.
Fonte: El Nacional
O Concello de Eibar organiza unha campaña para fomentar o uso do éuscaro nas redes sociais dos establecementos comerciais
A campaña "Sare sozialetan ere euskaraz", dirixida aos establecementos comerciais de Eibar, ten como obxectivo impulsar o comercio de proximidade, ao tempo que se promove o uso do éuscaro nas redes sociais.
Fonte: Eibarko Udala
O Concello de Donostia abre o prazo para inscribirse nos cursos de éuscaro dirixidos a profesionais do comercio e a hostalería
O Concello de Donostia, en colaboración con asociacións e entidades vinculadas ao comercio e á hostalería, organiza cursos de éuscaro, de 60 horas de duración, dirixidos aos profesionais destes dous sectores co obxectivo de mellorar a atención á clientela euscalduna.
Fonte: Noticias de Gipuzkoa
Jaca acolle a sinatura dun convenio de colaboración para promover ferramentas tecnolóxicas para o éuscaro, o aragonés e o occitano
As universidades de Zaragoza, Pau, País Vasco e Pública de Navarra, e a fundación Elhuyar asinaron un acordo que ten como obxectivo fomentar as ferramentas e as aplicacións tecnolóxicas desenvolvidas ao abeiro do proxecto Linguatec para o aragonés, o éuscaro e o occitano.
Fonte: Universidad del País Vasco
Cataluña, Baleares e Comunidade Valenciana apostan por reforzar o uso social do catalán
Catalunya Ràdio organizou unha mesa redonda sobre lingua na que participaron representantes dos gobernos de Galicia, País Vasco, Baleares, Comunidade Valenciana e Cataluña. As tres últimas apostan por formar unha fronte común para fomentar o uso do catalán, mentres que as dúas primeiras celebran a consolidación do galego e o éuscaro, respectivamente.
Fonte: Valencia Plaza
A Generalitat de Cataluña ten dous meses para aplicar a sentenza que obriga a impartir o 25 % das clases en castelán
O Tribunal Superior de Xustiza de Cataluña declarou firme a sentenza que obriga a impartir un 25 % de clases en castelán nos centros de ensino, polo que a Generalitat deberá, nun prazo de dous meses, executala de forma voluntaria.
Fonte: El País
O Concello de Nules organiza unha nova campaña de promoción do valenciano nas rebaixas
O Concello de Nules puxo en marcha unha campaña de fomento do valenciano coa repartición de carteis e etiquetas nesta lingua entre o comercio local para a época de rebaixas.
Fonte: Castellón Diario
Piden que se traduzan ao éuscaro todos os trámites de administración electrónica en Navarra
A Mancomunidade de Municipios Euscaldúns e o Observatorio de Dereitos Lingüísticos demandan que se traduzan ao éuscaro todos os trámites de administración electrónica en Navarra, xa que só o 23,29 % deles se pode realizar nesta lingua, unha porcentaxe que se reduce aínda máis nos concellos e as entidades locais, onde alcanza o 2,57 %.
Fonte: Noticias de Navarra
Publícase un informe que revela que a mocidade catalá consome máis televisión en castelán
O observatorio Media.cat publica un relatorio que revela que a canle de contidos en catalán TV3 está a perder influencia entre a mocidade catalá e que cada vez máis rapazada consome televisión en lingua castelá.
Fonte: El Nacional
Boletín
Subscríbase ao boletín
