España
Os cursos UEFA de adestrador de fútbol ofertaranse por primeira vez en éuscaro
O Goberno vasco e a Federación Guipuscoana de Fútbol presentaron un acordo de colaboración grazas ao cal os cursos UEFA de adestrador de fútbol se ofertarán por primeira vez nunha lingua minoritaria, o éuscaro.
Fonte: Noticias de Gipuzkoa
A oferta de contidos en catalán en Netflix apenas representa o 0,5 % do catálogo
Segundo un informe, a presenza do catalán en Netflix segue a ser escasa, apenas o 0,5 %, malia que nos dous últimos anos se duplicaron os contidos nesta lingua, ao pasar dos 3512 do 2020 aos 6034.
Fonte: La Vanguardia
A Generalitat propón que os centros educativos determinen os criterios para organizar a aprendizaxe de linguas en función da contorna
A Generalitat de Cataluña propón, no borrador do decreto de currículos, que sexan os centros educativos cataláns os que establezan os criterios para organizar a aprendizaxe de linguas tendo en conta a composición lingüística do alumnado e da contorna.
Fonte: El Economista
O Goberno vasco e Euskararen Erakunde Publikoa asinan un convenio para mellorar o tradutor neuronal francés-éuscaro
O convenio entre ambas as institucións permitirá transferirlle ao Goberno vasco o corpus lingüístico da Euskararen Erakunde Publikoa (EEP), co obxectivo de mellorar o tradutor automático neuronal Itzuli que precisa de grandes corpus bilingües de calidade.
Fonte: Gobierno Vasco
A Generalitat e o sistema universitario de Cataluña elaboran un plan para potenciar o uso do catalán
Malia que o 70 % das materias de grao se imparte en catalán, a Generalitat e as universidades deseñarán un plan para impulsar o uso deste idioma na investigación e como lingua de convivencia.
Fonte: El Periódico
O Goberno de Navarra non valorará o éuscaro nos concursos-oposición da zona non vascófona
O Goberno de Navarra decidiu que o éuscaro non puntúe como mérito nas convocatorias de acceso e traslado na función pública da zona non vascófona. O éuscaro si se valorará na zona vascófona e, segundo o posto, na zona mixta.
Fonte: Noticias de Gipuzkoa
Cincuenta e un novos establecementos súmanse á iniciativa ‘Comerços aprenents’ para aprender a atender a clientela en catalán
‘Comerços aprenents’ é unha iniciativa da CPNL que ten como obxectivo facilitar que os establecementos comerciais poidan realizar unha atención básica en catalán á clientela. Ata o momento contaba coa participación de 40 comercios de toda Cataluña, aos que acaban de sumarse 51 máis da cadea de supermercados Condis.
Fonte: Generalitat de Catalunya
A Fundación Elhuyar celebra o seu 50 aniversario con actividades centradas no éuscaro e a ciencia
Baixo o lema “Elhuyar, 50 años más adelante”, esta fundación celebra medio século con distintos actos dedicados, principalmente, ao uso do éuscaro, o fomento da ciencia entre a mocidade e a intelixencia artificial.
Fonte: Noticias de Álava
O Concello de Pamplona ofertará só un 24 % de prazas en éuscaro nas escolas infantís municipais
O Concello de Pamplona presentou a súa oferta educativa nas doce escolas infantís municipais para o curso 2022-2023. No que respecta á oferta de éuscaro, a capital navarra contará con 259 prazas (con ou sen inglés), un 24 % do total, fronte ás 810 en castelán e inglés, que supoñen o 74 %.
Fonte: Naiz
Convócanse as probas para obter os certificados de catalán
Ata o 9 de febreiro está aberto o prazo de presentación das solicitudes para participar na convocatoria das probas para obter o certificado de catalán que permite acreditar o coñecemento desta lingua.
Fonte: Generalitat de Catalunya
Boletín
Subscríbase ao boletín
