España
O Grupo Fagor recibe un galardón por fomentar o uso do éuscaro no ámbito laboral
A Deputación Foral de Guipúscoa entrega desde 1996 o premio Abbadia que recoñece o labor de persoas e entidades a prol da promoción do éuscaro. Este ano o galardón recaeu no Grupo Fagor, un exemplo na xestión lingüística e que ten a promoción da lingua vasca como parte da súa responsabilidade empresarial.
Fonte: El Diario Vasco
Centros de ensino de éuscaro proban unha nova metodoloxía para testar a posibilidade de entender esta lingua en 60 horas
Unha vintena de centros de ensino de éuscaro están a proban a metodoloxía Uler-Saioak para testar a posibilidade de comprender esta lingua a un nivel básico de apenas 60 horas.
Fonte: La Vanguardia
Un novo estudo analiza o impacto que ten a adquisición do éuscaro como segunda lingua na estrutura e a funcionalidade cerebral
O Basque Center on Cognition, Brain and Language (BCBL) traballa neste novo estudo co que intentarán extraer conclusións aplicables a outros ámbitos científicos non vinculados coa linguaxe, como poder predicir a evolución dunha persoa con lesións cerebrais.
Fonte: Noticias de Navarra
A versión interactiva de l’Ep! Escolta i Parla incrementa o número de actividades para aprender e practicar catalán oral
L’Ep! Interactiu, un recurso didáctico para aprender e practicar o catalán, ofrece 31 novas actividades en aberto correspondentes ao segundo módulo, no cal se incrementa a dificultade destas.
Fonte: Generalitat de Catalunya
A nova edición do Viquimarató de la Llengua Catalana centrarase na música en catalán
Do 5 ao 12 de novembro celébrase o VIII Viquimarató de la Llengua Catalana, iniciativa que este ano estará centrada na música cantada en catalán. O obxectivo é mellorar e ampliar os contidos de todos os elementos (letras, estilos, actuacións etc.), perfís (grupos, compositores etc.) e xéneros musicais.
Fonte: Generalitat de Catalunya
O Tribunal Supremo anula un decreto do Goberno balear que eximía do coñecemento do catalán na sanidade
O Tribunal Supremo anulou un decreto do Goberno balear que eximía o persoal sanitario da obriga de saber catalán para acceder á función pública. O decreto dáballe dous anos de marxe desde a aprobación da oposición para acreditar este coñecemento.
Fonte: La Vanguardia
Segundo un informe, arredor de 4,5 millóns de persoas do dominio lingüístico catalán falan habitualmente esta lingua
Segundo os datos de xaneiro de 2020 do InformeCAT 2021, a poboación do dominio lingüístico catalán que fala habitualmente esta lingua reduciuse en medio millón con respecto a 2005. Ademais, oito de cada dez catalanfalantes cambian de lingua cando se dirixen a eles en castelán.
Fonte: Diari Més
O Goberno vasco presenta unha campaña para fomentar o uso do éuscaro no ámbito dixital
O Goberno vasco presentou “Zure hatz marka euskaraz” (A túa pegada en éuscaro), unha campaña que ten como obxectivo impulsar o uso desta lingua no ámbito dixital en dous eixes: nos contidos que crea a mocidade para as redes sociais e na configuración dos dispositivos.
Fonte: Gobierno Vasco
Reúnese a Comisión Técnica de Política Lingüística da Generalitat de Catalunya para traballar conxuntamente a prol do catalán
A Comisión Técnica de Política Lingüística reuniuse co obxectivo de traballar desde todos os departamentos do Goberno catalán para asegurar o presente e o futuro da lingua catalá.
Fonte: Generalitat de Catalunya
Super Woden GP e Nuclear Blaze súmanse á lista de videoxogos traducidos ao éuscaro
Woden GP (ViJuDa) e Nuclear Blaze (Deepnight Games) sumáronse á listaxe de videoxogos traducidos ao éuscaro grazas ao traballo de localización de membros de Gamerauntsia, comunidade que traduciu a maioría de xogos para consola, ordenadores e móbiles aos que se pode xogar nesta lingua.
Fonte: Videojuegos Vascos
Boletín
Subscríbase ao boletín
