España
A Comisión de Educación e FP demándalle ao Goberno a creación da Especialidade Docente do Profesorado de Lingua Asturiana e Literatura
A Comisión de Educación e FP do Congreso aprobou unha proposición non de lei pola que se insta o Goberno a recoñecer e crear a Especialidade Docente do Profesorado de Lingua Asturiana e Literatura.
Fonte: El Comercio
Instan o Goberno vasco a elaborar un novo decreto para seguir impulsando o éuscaro no sector público
O Parlamento vasco aprobou unha emenda para instar o Goberno autonómico a desenvolver un novo decreto para seguir impulsando a normalización do éuscaro na Administración pública e avanzar na capacitación lingüística do seu persoal.
Fonte: Noticias de Gipuzkoa
A Deputación de Biscaia organiza obradoiros para amosarlle á mocidade como crear contidos en éuscaro nas redes sociais
O obxectivo destes obradoiros, que se desenvolverán os días 23 e 24 de outubro, é incrementar o uso do éuscaro nas plataformas dixitais. Enmárcanse no proxecto Bziber, dirixido a mozos e mozas de entre 11 e 14 anos.
Fonte: Durangon
Llodio reparte un mapa cos establecementos nos que é posible relacionarse en éuscaro
A veciñanza de Llodio recibirá un mapa que inclúe os 132 establecementos nos que é posible recibir atención en éuscaro. Trátase de comercios e empresas de servizos que se sinalizan con tres cores en función do nivel de coñecemento do persoal desta lingua.
Fonte: El Correo
O Conselh d'Aran demanda unha dotación orzamentaria para mellorar a situación do aranés
Na vindeira reunión que o Conselh d'Aran manterá coa Generalitat de Cataluña exporase a urxencia de contar cunha dotación orzamentaria para as competencias en materia de lingua e cultura e a relación bilateral para aplicar as políticas lingüísticas que o aranés precisa.
Fonte: Segre
RTVE amósase aberta a realizar producións nas diferentes linguas do Estado español
O presidente de RTVE, na súa comparecencia na Cámara Alta, sinalou que a corporación está totalmente aberta a realizar producións nas diferentes linguas cooficiais do Estado.
Fonte: 20minutos
Preséntase #Damolat, un proxecto para fomentar o éuscaro entre a mocidade de contornas urbanas
A unidade didáctica #Damolat, elaborada por Ahize-AEK, en colaboración con Ikastolen Elkartea, ten como obxectivo impulsar o uso do éuscaro e a cultura nesta lingua entre a mocidade urbana.
Fonte: Alerta
O impulso do catalán como elemento de cohesión obtén un amplo apoio do Parlamento de Cataluña
O Parlamento de Cataluña aprobou a resolución “Per la llengua com a element de cohesió”. O acordo insta o Goberno catalán a poñer en marcha doce accións para consolidar a lingua catalá en todos os sectores, con especial atención ao audiovisual.
Fonte: Generalitat de Catalunya
O II Plan estratéxico do éuscaro de Navarra establece como prioridade a aprendizaxe en adultos
O Plan Reactivar Navarra / Nafarroa Suspertu recoñece o papel do éuscaro como factor de cohesión e diversidade, e establece o desenvolvemento do segundo Plan estratéxico do éuscaro, en fase de elaboración, no que se indica que deben impulsarse as medidas necesarias para a continuidade do ensino desta lingua para as persoas adultas.
Fonte: Gobierno de Navarra
Preséntase unha campaña para impulsar o uso do catalán na Administración de Xustiza das illas Baleares
'La Justícia, també en català' é o lema dunha nova campaña, impulsada polo Tribunal Superior de Xustiza de Baleares e o Goberno do arquipélago, xunto a outras entidades, que ten como obxectivo fomentar o uso do catalán no ámbito xudicial, así como o coñecemento e o respecto polos dereitos lingüísticos.
Fonte: Diario de Mallorca
Boletín
Subscríbase ao boletín
