España
O Consell de Mallorca destina 80 000 euros a subvencións para a promoción do catalán
O Consell de Mallorca outórgalles unha subvención nominativa de 60 000 euros á Institución Pública Antoni Maria Alcover e outra de 20 000 euros á Escola Municipal de Mallorquí para promover a lingua catalá, a cultura e as tradicións mallorquinas.
Fonte: Última Hora
Actualízase o dicionario en liña Terminologia de la ciberseguretat con novos termos
O Termcat publica unha nova edición do dicionario en liña con sesenta termos novos, que fan referencia sobre todo a novos tipos de ciberataque e que foron elaborados coa colaboración da Axencia de Ciberseguridade de Cataluña e outros expertos deste ámbito e co apoio do Goberno de Andorra.
Fonte: Generalitat de Catalunya
Ofrécense obradoiros de robótica en éuscaro para escolares de terceiro a sexto de primaria
O Concello de Éibar organiza obradoiros de robótica durante os últimos días de agosto e os primeiros de setembro, impartidos no servizo dirixido á mocidade gazteleku Indianokua, para que nenos e nenas descubran o mundo da ciencia e da tecnoloxía en éuscaro.
Fonte: Diario Vasco
A campaña “Digues Bon Dia” da Plataforma pola Lingua chega a máis de 700 comercios de Valencia
Un gran número de comercios e postos dos mercados municipais participan na campaña que ten como obxectivo promover o valenciano como a lingua de comunicación nos establecementos comerciais de Valencia. “Digues Bon Dia” anima as persoas que se expresan nesta lingua a comunicarse tamén en valenciano coa xente descoñecida no mundo do comercio.
Fonte: 20 Minutos
O Concello de Ordizia convoca subvencións para impulsar e fomentar o éuscaro
O Departamento de Éuscaro do Concello de Ordizia destina 20 000 euros para impulsar a aprendizaxe desta lingua e o seu uso en diferentes ámbitos da vida cotiá, como o socioeconómico, o ocio ou o deporte.
Fonte: Diario Vasco
O Goberno das Illas Baleares convoca axudas por 225 000 euros para o fomento do catalán
A Consellería de Fondos Europeos, Universidade e Cultura comunica que estas axudas se distribuirán entre concellos, persoas físicas e asociacións sen ánimo de lucro que levaron a cabo actuacións para fomentar o uso do catalán.
Fonte: Última Hora
O Goberno vasco analiza o gasto público que se destina a apoiar o éuscaro
Ao considerar que a presenza do éuscaro é aínda moi escasa na sociedade, o goberno levará a cabo un estudo durante os próximos seis meses co obxectivo de revisar os investimentos e as accións impulsadas polas deputacións vascas para o fomento desta lingua.
Fonte: El Independiente
Navarra colabora coa Administración do Estado para garantir a atención á cidadanía en éuscaro
A conselleira de Relacións Cidadáns trasladoulle ao secretario de Estado de Política Territorial e Función Pública a súa disposición para colaborar na aplicación das recomendacións da Carta Europea das Linguas Rexionais co obxectivo de mellorar a atención á cidadanía en éuscaro.
Fonte: Goberno de Navarra
A Generalitat promoverá unha lei de dereitos culturais e un pacto pola lingua
A conselleira de Cultura da Generalitat, Natàlia Garriga, impulsará unha lei de dereitos culturais e un pacto nacional pola lingua a través de recursos que aseguren o dereito á creación cultural e o futuro do catalán.
Fonte: Segre
O dicionario Terminologia de ciències de la salut actualízase con novos termos
O Termcat actualiza o dicionario en liña coa incorporación de novos termos do ámbito das doenzas minoritarias, da atención á saúde mental e das adiccións, da medicina nuclear, das alerxias e da covid-19.
Fonte: Generalitat de Catalunya
Boletín
Subscríbase ao boletín
