A empresa estadounidense facilítalles aos seus usuarios a opción de empregar o catalán nos paneis de control e nos manuais dos seus vehículos.

Fonte: Racó Català

Trátase dunha versión actualizada da serie de televisión D'Artacán y los tres Mosqueperros, producida por Apolo Films en Navarra e que se poderá ver tamén en éuscaro a través do programa de dobraxe Zinema Euskaraz da asociación Zineuskadi.

Fonte: Noticias de Navarra

A asociación Emaneurre puxo en marcha unha iniciativa para instalar nunha fachada un gran mural de 15 metros de alto e 5 de ancho para chamar a atención e reivindicar a utilización do éuscaro.

Fonte: El Diario Vasco

A Asociación Cívica Cidade de Badaxoz propón que a sinalización e os carteis das rúas da capital pacense estean en español e en portugués, xa que pensan que esta iniciativa lle daría unha gran visibilidade á cidade e fomentaría as relacións aos dous lados da fronteira, así como a aprendizaxe da lingua portuguesa entre a poboación local.

Fonte: Hoy

A lingua asturiana está presente, na actual edición da Feira Internacional de Mostras de Asturias (FIDMA) que se celebra ata o 22 de agosto, no pavillón do Goberno asturiano e nos postos de varios concellos.  

Fonte: Asturies.com

Elebide, o Servizo para a Garantía dos Dereitos Lingüísticos do Goberno vasco, rexistrou 246 incidencias no ano 2020, 52 máis con respecto a 2019. Un total de 194 queixas corresponde a vulneracións de dereitos de persoas que falan éuscaro.

Fonte: Gobierno vasco

A iniciativa do Gabinete de Normalización Lingüística do Concello de Valencia, que creou o maior repertorio de listas de música en valenciano publicado ata o momento, xorde para fomentar o uso e a normalización do valenciano. Este proxecto elabórase por xéneros de música, por momentos e por temática.

Fonte: El Periòdic

O Ministerio de Educación propón inculcar un maior coñecemento sobre a diversidade lingüística e familiarizar o alumnado de Primaria coa realidade plurilingüe e multicultural do país, así como cos valores comunitarios, na aplicación da lei Celaá.

Fonte: El Confidencial

Os premios Ciutat de Palma Llorenç Villalonga de Novela e Joan Alcover de Poesía, dotados con 26 000 euros e 12 000 euros respectivamente, outorgaranse a obras escritas en catalán. Así mesmo, o premio Miquel dels Sants Oliver de Periodismo vai dirixido á investigación en catalán e o Ciutat de Palma de Cómic, a obras en catalán ou castelán.

Fonte: Última Hora

A Dirección Insular de Política Lingüística impartirá 17 seminarios para preparar a parte oral e a escrita das probas oficiais de nivel de catalán. As clases terán lugar polas tardes en Inca e Palma.

Fonte: Diario de Mallorca