O Concello de Pasaia organizou unha campaña para sensibilizar as persoas chegadas recentemente desde outros países para que aprendan éuscaro, presentándoo como un elemento para a súa promoción social.

Fonte: El Diario Vasco

Este foro celebra a súa primeira sesión o 23 de setembro, á que lle seguirán outras dúas. Cada empresa deberá identificar os seus retos para impulsar o éuscaro, para logo ver as ferramentas e os recursos existentes para afrontalos e coñecer como os afrontan outras organizacións.  

Fonte: Diputación Foral de Álava

O Goberno vasco, as deputacións forais e Euskaltzaindia renovaron o convenio marco para o período 2021-2024 co obxectivo de establecer as bases da súa colaboración e formular novos retos en relación coas actividades de investigación e difusión do éuscaro.

Fonte: Gobierno Vasco

Co obxectivo de que o alumnado alcance o dominio do éuscaro e o castelán, o Goberno vasco avoga por que cada vez se ofrezan máis actividades extraescolares en lingua vasca.   

Fonte: Deia

Do 10 ao 19 de setembro celébrase a Semana do Libro en Catalán con múltiples actividades cuxo obxectivo é fomentar a lectura nesta lingua para todo tipo de públicos.  

Fonte: Generalitat de Catalunya

O Goberno de Navarra iniciou os traballos para a VII Enquisa Sociolingüística de Navarra, que recollerá datos sobre o coñecemento do éuscaro, a súa transmisión, o seu uso en diferentes ámbitos sociais e as actitudes ante a súa promoción.

Fonte: Gobierno de Navarra

O Goberno de Navarra proporciónalle así ao persoal de Atención Primaria unha guía orientativa coa que mellorar a atención en éuscaro á cidadanía que inclúe expresións e vocabulario básico nesta lingua, así como conversas habituais e un dicionario terminolóxico.  

Fonte: Gobierno de Navarra

O Tribunal Superior de Xustiza do País Vasco solicitou que sexa o Tribunal Constitucional quen determine a constitucionalidade do artigo 6.2 da Lei de institucións locais de Euskadi, xa que considera que lle concede ao éuscaro unha "supremacía exorbitante" respecto ao castelán.

Fonte: El Diario

O Concello de Bilbao e Euskaltzaindia asinaron un convenio de colaboración para fomentar o uso do éuscaro na cidade. Trátase dun acordo, que ambas as institucións renovan anualmente, polo que a Real Academia da Lingua Vasca apoia o consistorio en tarefas como asesoramento lingüístico, organización de actividades etc.

Fonte: Bizkaiagaur

A Mancomunidade de Uribe Kosta puxo en marcha 'Euskaraz Olgetan', unha iniciativa que ten como obxectivo promover o uso e o coñecemento do éuscaro entre as familias a través de xogos, espectáculos e obradoiros.

Fonte: El Correo