España
Celébrase a terceira edición da semana ludolingüística “Units pel nostres parlar” en Sant Josep de sa Talaia
O Concello de Sant Josep de sa Talaia presenta a terceira semana ludolingüística “Units pel nostres parlar” con actividades para fomentar o uso da lingua catalá e dar a coñecer a súa cultura e tradicións, como un recital de poesía ou obradoiros para persoas chegadas recentemente.
Fonte: Noudiari
A Academia da Lingua Asturiana publica a sexta edición de “El Principín”
A tradución de Xosé Lluis García Arias do libro de Antoine de Saint-Exupéry, editada por primeira vez en 1983, é a obra máis editada en asturiano.
Fonte: El Comercio
Convócanse bolsas para aprender éuscaro dirixidas á xuventude de Áraba
A Fundación Vital colabora con IKA Gasteiz no financiamento de bolsas para a aprendizaxe do éuscaro á xuventude arabesa de entre 18 e 25 anos e a persoas en situación de vulnerabilidade económica, co obxectivo de fomentar unha formación superior e a inclusión social.
Fonte: 20 minutos
O internado Maizpide organiza a 47ª edición de cursos de verán para aprender éuscaro
O alumnado do internado en Lazkao asiste durante dúas semanas aos cursos intensivos impartidos desde 1975 para aprender éuscaro.
Fonte: Deia
Publican unha guía para incluír o catalán nos videoxogos
A guía, que ten o título de Tutorial per afegir el català als videojocs, explica as vantaxes de introducir a lingua catalá nos videoxogos e enviarase a todos os estudos e creadores destes produtos dos territorios de dominio lingüístico catalán, así como a escolas e centros formativos con esta materia.
Fonte: Plataforma per la Llengua
Critican a nova lei de comunicación audiovisual que prepara o Goberno español porque non ten en conta a diversidade lingüística do país
O sector audiovisual catalán busca protexer a lingua e a cultura catalás e critica que a Lei Xeral de Comunicación Audiovisual que prepara o Goberno español non garante a oferta nas linguas cooficiais nin considera investir na produción independente local.
Fonte: Coffeesp
Unha enquisa da Generalitat revela que o 74% dos barceloneses domina o catalán
A última enquisa de usos lingüísticos da poboación realizada en 2018 e impulsada pola Generalitat indica que un total de 1,3 millóns de habitantes de Barcelona entende, coñece, fala e le en catalán.
Fonte: Metrópoli
Constrúese un monumento á lingua vasca no municipio de Lizoáin-Arriasgoiti
O Concello de Lizoáin-Arriasgoiti e o artesán Félix Lizarraga colaboran para homenaxear todas as persoas que traballan por conservar o éuscaro no municipio coa creación da figura dun ferreiro que forxa esta lingua.
Fonte: Noticias de Navarra
Os estatutos reformados do Club Atlético Osasuna fomentarán o bilingüismo
Os novos estatutos engaden o uso do castelán e do éuscaro como linguas propias do Club Atlético Osasuna, que fomentará e apoiará o seu ensino a todos os empregados ou empregadas e deportistas.
Fonte: Noticias de Navarra
O Concello de Amurrio impulsa o uso do éuscaro entre a xuventude cun novo programa
Trátase do programa Euskarabide que se porá en marcha a partir de setembro co obxectivo de que os mozos e as mozas participantes se comuniquen en éuscaro durante actividades de ocio e deportivas.
Fonte: Noticias de Álava
Boletín
Subscríbase ao boletín
