Segundo os datos do Instituto Nacional de Estatística, un de cada tres títulos publicados no País Vasco editouse en éuscaro. Case unha cuarta parte destes edítase fóra de Euskadi, principalmente en Madrid, e un 23 % son libros de texto.

Fonte: Deia

A base de datos interactiva de videoxogos en catalán VDJOC duplicou nun ano o número de xogos, ao alcanzar a cifra de 109. Grazas a un buscador é posible facer consultas a través dun filtro polas categorías nas que se agrupan (acción-aventura, deportes, estratexia, infantís, musicais, terror etc.).

Fonte: Generalitat de Catalunya

Os mercados municipais valencianos disporán de carteis cos nomes dos alimentos en lingua de signos, ao abeiro dunha campaña impulsada desde o concello en colaboración coa Generalitat e a Federación de Persoas Xordas desta comunidade.  

Fonte: 20minutos

A palabra catalá escollida como neoloxismo do ano é negacionisme, polo que pronto podería aparecer no Diccionari de la llengua catalana.

Fonte: La Vanguardia

O Consello Navarro do Éuscaro emitiu un informe favorable a este plan, resultado dunha ampla participación técnica e cidadá e que constitúe a folla de ruta da política lingüística do Goberno de Navarra.  

Fonte: Gobierno de Navarra

O Senado votou maioritariamente a prol de incluír unha emenda nos Orzamentos Xerais do Estado de 2022 relativa á promoción e á difusión das linguas protexidas pola Carta Europea das Linguas Rexionais ou Minoritarias por un importe de 1,6 millóns de euros.

Fonte: Galicia Confidencial

Preténdese, través da canción Bizi euskaraz, bizi harro, interpretada por Kai Nakai, animar a xente nova a falar en éuscaro sen complexos. A campaña difundirase a través das redes sociais máis populares entre este colectivo.

Fonte: Gasteiz Hoy

O Goberno de Aragón presentou a Biblioteca Virtual do Aragonés (BIVIRA), que recompila máis de 3000 libros e documentos en aragonés e en catalán. O obxectivo desta iniciativa é concentrar nun único punto unha parte moi importante da cultura da comunidade expresada nestas linguas.

Fonte: Heraldo

Miles de manifestantes esixiron o respecto ao modelo de inmersión lingüística de Cataluña e mostraron o seu rexeitamento á sentenza do Tribunal Supremo que obriga aos centros educativos a impartir un mínimo do 25 % das clases castelán.

Fonte: El País

O novo Plan director das ensinanzas en éuscaro 2021-2024 inclúe como novidade a aposta por distintos obxectivos específicos en función dos graos e arredor de catro eixes de actuación: docencia, profesorado, materiais docentes e formación.

Fonte: Naiz