España
Publícase o primeiro dicionario sobre o galego de Asturias
O profesor e investigador Carlos Xesús Varela Aenlle é o responsable do primeiro Dicionario do galego de Asturias, unha iniciativa que recolle o vocabulario de 18 concellos do Eo-Navia.
Fonte: Nós Diario
Oviedo acollerá unha manifestación para reclamar a oficialidade da lingua asturiana
O 16 de outubro está convocada unha manifestación en Oviedo para reclamar a oficialidade da lingua asturiana aproveitando o anuncio do presidente do Principado de reformar o Estatuto de Autonomía.
Fonte: Onda Cero
O Concello de Bilbao impulsa unha campaña para fomentar a aprendizaxe do éuscaro
O Concello de Bilbao puxo en marcha unha campaña que, baixo o lema 'Euskaraz Gehiago Gara', busca impulsar a matriculación nos euskaltegis da cidade durante o curso 2021-2022.
Fonte: El Diario
A Mostra de Venecia proxectará filmes en galego e éuscaro
A edición deste ano da Mostra de Venecia amosará a riqueza lingüística do cine español. Así, proxectarase unha longametraxe filmada en galego, Eles transportan a morte; o éuscaro estará presente por primeira vez grazas á curta Heltzear; e o catalán escoitarase no filme Tres.
Fonte: El País
Anuncian a obra gañadora do concurso do Concello de Castelló para a promoción do valenciano no ámbito multimedia
O corto En la punta de la llengua de Anna Bronchal, que gañou o concurso da Concellería de Plurilingüismo e Fomento do Valenciano do Concello de Castelló, trata a situación dun mozo que se reencontra coa lingua propia, que o acompañou ao longo da súa vida.
Fonte: El Periòdic
A nova lei educativa do Goberno español permite ofertar educación bilingüe aos menores xordos
A lei prevé reforzar a inclusión educativa a través da incorporación das linguas de signos españolas á súa oferta e contribuír á eliminación das barreiras de comunicación para a integración social das persoas xordas, con discapacidade auditiva ou xordocegas.
Fonte: Diario Siglo XXI
O Concello de Tolosa e a asociación Galtzaundi Euskara Elkartea seguirán traballando para promover o uso do éuscaro
As dúas entidades renovan o seu convenio de colaboración para levar a cabo diferentes iniciativas ao longo dun ano que teñen o obxectivo de normalizar o uso do éuscaro.
Fonte: Tolosako Udala
Termcat publica a versión en catalán da norma ISO de continuidade do negocio
A norma recolle a terminoloxía principal da xestión da continuidade do negocio, xa que é unha referencia para que as organizacións poidan actuar con eficacia ante imprevistos que interrompen o seu funcionamento normal.
Fonte: Generalitat de Catalunya
Os ximnasios máis populares de Cataluña incorporan o catalán na súa páxina web
Co obxectivo de cambiar a complicada situación do catalán no ámbito do deporte, Plataforma pola Lingua consegue que os ximnasios máis populares, como Holmes Place, Metropolitan ou YogaOne, incorporen esta lingua na súa páxina web.
Fonte: Plataforma per la Llengua
O Concello de San Sebastián subvenciona cursos gratuítos de éuscaro para persoas desempregadas
O Concello concédelles subvencións polo valor de 38 000 euros aos centros de ensino da lingua vasca para que organicen cursos gratuítos dirixidos a persoas desempregadas do ano 2021.
Fonte: Diario Vasco
Boletín
Subscríbase ao boletín
