O Departamento de Cultura amplía con 2 950 000 euros as axudas para a dobraxe e o subtitulado en catalán de longametraxes que se estrean no cine, a dobraxe de longametraxes e o subtitulado de series para a súa distribución en plataformas dixitais e en soporte físico e o subtitulado de produtos de festivais e mostras audiovisuais en Cataluña.

Fonte: Generalitat de Catalunya

O Departamento de Cultura reforza o seu apoio á tradución de obras literarias ao catalán ou ao occitano e á tradución de obras non literarias ao catalán. As subvencións van dirixidas ás empresas editoriais e ás entidades editoriais sen ánimo de lucro privadas.

Fonte: Generalitat de Catalunya

A Dirección Xeral de Política Lingüística inicia de novo a campaña “Benvinguts!” para transmitir a realidade lingüística de Baleares e acercar o catalán ás persoas que visitan o arquipélago.

Fonte: 20 minutos

O Consorcio para a Normalización Lingüística está colaborando coa cadea de supermercados Bonpreu nesta campaña que busca a participación da súa clientela nas redes sociais para compartir as variedades dialectais de determinados produtos da súa zona xeográfica a través dun sorteo. A campaña tamén se aplicará nos seus establecementos, nas etiquetas dos produtos e no tícket da compra.

Fonte: Generalitat de Catalunya

O Concello de Pamplona convoca o Concurso literario en éuscaro para autoría novel nas modalidades de poesía e narración, co obxectivo de fomentar a creación literaria nesta lingua e animar a persoas que nunca escribiron a que o fagan por primeira vez.

Fonte: Diario de Navarra

Ao ser un dos ámbitos de socialización fundamentais para a mocidade, o deporte é un factor clave para asentar o hábito do uso do éuscaro. Por esta razón, o obxectivo do “Plan de Fomento del Euskara en el Deporte 2021-2024” é promover o uso desta lingua entre as persoas menores de 18 anos que practican deporte e facilitar que se comuniquen tamén nesta lingua cos seus adestradores ou adestradoras e cos árbitros ou árbitras.

Fonte: Gobierno vasco

As subvencións van destinadas aos veciños e ás veciñas da comarca que realizaron cursos para aprender éuscaro entre o 1 de xullo de 2020 e o 30 de xuño de 2021. Tamén se convocan axudas económicas para a mocidade que participou ou participa en campamentos de verán nesta lingua.

Fonte: Noticias de Navarra

A Secretaría de Política Lingüística publica sete novos vídeos da serie “Màgia per conversar”, un recurso audiovisual que ten como obxectivo estimular a conversa en lingua catalá a partir de xogos de maxia.

Fonte: Generalitat de Catalunya

Como proposta da asociación Nafarroa Aurrera, que ten o obxectivo de impulsar a cultura popular e o éuscaro en Sartaguda, o Concello local inicia o cambio das placas das rúas da localidade para que se poidan ler en castelán e en éuscaro como unha medida de enriquecemento cultural e de normalización desta lingua.

Fonte: Noticias de Navarra

O Laboratorio de Innovación Lingüística e Social BADALAB nace da colaboración entre institucións e axentes sociais do éuscaro no ámbito da iniciativa Etorkizuna Eraikiz. Este proxecto tratará de identificar novas oportunidades para fortalecer o éuscaro e buscará que esta lingua estea presente en novos contextos dixitais e iniciativas sociais.

Fonte: Euskadi Noticias