España
Increméntase o número de persoas novas que quere participar no Voluntariado pola Lingua
Grazas á campaña e á exposición “Quan parles fas màgia” incorporouse ao Voluntariado pola Lingua un número importantes de mozas e mozos participantes, de maneira que se incrementaron nun 67 % os voluntarios, con máis de 2800 novos inscritos.
Fonte: Generalitat de Catalunya
Varias entidades instan o Goberno español a garantir o uso das linguas cooficiais
Varias entidades sociais de defensa das linguas cooficiais, como A Mesa pola Normalización Lingüística, Kontseilua, Ciemen, Plataforma per la Llengua, Escola Valenciana, Acción Cultural del País Valenciá e Iniciativa pel Asturianu realizaron unha valoración conxunta da aprobación parcial no Congreso da proposición non de lei sobre a realidade plurilingüe e igualdade lingüística.
Fonte: Nós Diario
O Goberno balear investiga varios casos recentes de discriminación lingüística denunciados nas redes sociais
O Goberno balear, a través da Oficina de Defensa de Dereitos Lingüísticos, está a investigar varios casos de discriminación lingüística denunciados nas redes sociais.
Fonte: Última Hora
A literatura en asturiano e galego-asturiano estará presente nas campañas de fomento da lectura do Ministerio de Cultura
O Ministerio de Cultura vai incluír a literatura en asturiano e en galego-asturiano nos programas de fomento da lectura. Así mesmo, esta literatura será a protagonista dunha das actividades programadas para a Feira do Libro de Frankfurt 2022.
Fonte: Galicia Confidencial
O Consell de Mallorca convoca unha liña de subvencións destinada a editar libros e discos en catalán
O Consell de Mallorca destinará 300 000 euros a axudas para a edición de libros e fonogramas en catalán co obxectivo de incrementar o coñecemento e a presenza social desta lingua, así como apoiar a industria editorial e discográfica da illa.
Fonte: Crónica Balear
Euskarabidea presenta unha campaña para fomentar o uso do éuscaro entre novos falantes
Esta nova campaña, que ten como lema “Regálalles o éuscaro e chegarán moi alto / Euskararekin, gora eta gora beti!, pretende transmitirlles ás familias o valor positivo da aprendizaxe e o uso desta lingua.
Fonte: Gobierno de Navarra
Piden impulsar unha política lingüística en Canarias para preservar a fala do arquipélago
O grupo parlamentario de Nueva Canarias aposta por impulsar unha política lingüística que preserve e impulse a fala das illas. Neste sentido, insta o Goberno canario a desenvolver o artigo do Estatuto que fala da defensa, promoción e estudo do español do arquipélago como variedade lingüística do español atlántico.
Fonte: 20minutos
O Consello de Europa recomenda que o aragonés e o catalán se inclúan no Estatuto de Autonomía de Aragón
O comité de especialistas sobre protección de linguas minoritarias do Consello de Europa solicitoulle ao Estado español que as linguas aragonesa e catalá se inclúan no Estatuto de Aragón, que se incorporen a todos os niveis educativos e que se impulse o seu uso na Administración.
Fonte: AraInfo
O Goberno navarro destina 80 000 euros ao estudo e difusión do éuscaro
O Goberno de Navarra vai concederlles axudas por un valor total de 80 000 euros a Eusko Ikaskuntza e á Asociación Soziolinguistica Klusterra. A primeira recibirá 55 000 euros mentres que no caso da segunda serán 25 000, unhas subvencións que axudarán á realización de actividades de recuperación e normalización do éuscaro.
Fonte: Gobierno de Navarra
O Concello de Valencia lanza unha liña de axudas para fomentar o uso do valenciano no comercio
Trátase da segunda edición desta liña de axudas coas que se pretende impulsar o uso do valenciano nos establecementos comerciais de Valencia. A dotación orzamentaria ascende a 47 500 euros e cada empresa poderá recibir ata 2000.
Fonte: La Vanguardia
Boletín
Subscríbase ao boletín
