España
A Generalitat de Cataluña pon a disposición dos municipios unha nova ferramenta para o fomento do catalán
O proxecto #català947. La llengua catalana als municipis de Catalunya ten como obxectivo reforzar a cooperación en materia lingüística e poñer a disposición de todos os municipios de Cataluña unha nova ferramenta para o fomento do catalán.
Fonte: Generalitat de Catalunya
Fitur estrea un espazo dedicado ao turismo idiomático
Fitur Lingua busca converterse nun punto de encontro entre os profesionais da industria turística e os principais actores do turismo idiomático. Está organizado en colaboración con Fedele, Federación Española de Asociacións de Escolas de Español para Estranxeiros.
Fonte: Nexotur
O Goberno vasco renova os seus convenios de colaboración en materia lingüística con Euskararen Erakunde Publikoa e Euskaltzaindia
O Goberno vasco aprobou a renovación do convenio marco con Euskararen Erakunde Publikoa de Iparralde que establece a colaboración transfronteiriza en materia de política lingüística sobre o éuscaro. Así mesmo, aprobou tamén o convenio coas deputacións forais e Euskaltzaindia para a investigación e a difusión da lingua vasca.
Fonte: Gobierno Vasco
O festival Mecal proxectará 290 curtametraxes subtituladas en catalán
Mecal, o Festival Internacional de Curtametraxes e Animación de Barcelona, chega á súa edición número 23, na que se proxectarán 290 curtas en versión orixinal subtitulada en catalán.
Fonte: Generalitat de Catalunya
Preséntase a aplicación Txikipedia, unha wikipedia en éuscaro dirixida ao alumnado de entre 8 e 12 anos
O Goberno vasco e Euskal Wikilarien Kultura Elkartea presentan a aplicación Txikipedia, desenvolvida por CodeSyntax. Trátase dunha wikipedia en éuscaro dirixida ao alumnado de primaria que na actualidade inclúe máis de 3000 artigos, un número que vai en aumento grazas ao traballo realizado nas escolas.
Fonte: Gobierno Vasco
Convócase a terceira edición do Premio Morales para a promoción do galego no Bierzo e Sanabria
O Premio Morales para a promoción da lingua galega no Bierzo e Sanabria ten como obxectivo divulgar a obra do escritor Antonio Fernández Morales entre o alumnado de galego desta área de Castela e León.
Fonte: InfoBierzo
Preséntase a campaña "Arnasa Gara" co obxectivo de apoiar os municipios que poden vivir en éuscaro de forma natural
Os Gobernos vasco e navarro, e a Mancomunidade de Municipios Vascos acaban de impulsar "Arnasa Gara", unha campaña que busca apoderar os municipios arnasgune (con presenza maioritaria do éuscaro) e a súa poboación.
Fonte: Gobierno de Navarra
O Goberno vasco destinará 515 000 euros ás publicacións en éuscaro
O Departamento de Cultura destinará 640 000 euros a axudas para a promoción da edición literaria, dos cales 515 000 serán para publicacións en éuscaro e 125 000, en castelán.
Fonte: El Diario Vasco
Incorpóranse ao curso “Ep! Escolta i Parla” novos recursos didácticos para a aprendizaxe do catalán
A web de Lingua Catalá, da Generalitat de Cataluña, incorpora 102 novos recursos didácticos do curso “Ep! Escolta i Parla”, que teñen como obxectivo facilitar o labor do profesorado de catalán para adultos, así como a aprendizaxe do alumnado.
Fonte: Generalitat de Catalunya
O Congreso aproba parcialmente unha proposición non de lei a prol da igualdade lingüística
Esta Proposición non de lei (PNL) recolle parte do manifesto "Igualdade lingüística: liberdade, pluralismo e democracia" que impulsaron diferentes entidades sociais de defensa das linguas do Estado.
Fonte: Consello da Cultura Galega
Boletín
Subscríbase ao boletín
