Un estudo realizado pola Plataforma per la Llengua revela que un 2 % dos sitios web da Administración Xeral do Estado teñen unha versión completamente operativa en lingua catalá e iso a pesar de que no 2017 se presentou unha proposición de lei para que os portais web tivesen versión nas outras linguas cooficiais.

Fonte: El Nacional

Durante o ano 2019, o sitio web da Euskaltzaindia, ou Academia da Lingua Vasca, recibiu un total de 800.204 visitas, o que representa unha suba do 61,19 % respecto ao ano anterior.

Fonte: La Vanguardia

O acordo asinado entre o PSOE e o BNG para permitir a investidura de Pedro Sánchez como presidente péchase con compromisos firmes sobre a lingua galega. O pacto garantirá, entre outros puntos, a normalización do uso do galego na administración periférica do Estado, na administración de xustiza, así como o respecto á toponimia galega.

Fonte: Galiciapress

A Deputación de Guipúscoa comprométese, co acordo asinado coa Consellería de Política Lingüística do Goberno vasco, a destinar 42 457 euros á liña de axudas dirixida ao alumnado dos euskaltegis, que asegura dende 2020 a gratuidade dos estudos de éuscaro ata a acreditación do nivel B2 segundo o marco europeo.

Fonte: Noticias Press

Este proxecto, posto en marcha polo concello bilbaíno en colaboración cos euskaltegis, busca promover o uso do éuscaro no tempo libre, especialmente entre persoas que están aprendendo, con actividades para xaneiro como talleres gastronómicos, degustacións, visitas guiadas a museos e sesións de danza vasca.

Fonte: Noticias Press

Segundo o informe elaborado polo Consello Escolar de Navarra, arredor do 40 % dos 109 734 estudantes escolarizados na Comunidade Foral en 2018-19 estudaba éuscaro, dos cales un 25 % o facía no modelo de inmersión lingüística (modelo D) e o resto como materia (modelo A).

Fonte: Noticias de Navarra

Segundo datos da Universidade de Barcelona, na cidade conviven 174 nacionalidades e máis de 300 linguas. Despois do catalán e o castelán figuran, por esta orde, amazig, árabe, bengalí e urdú. Así mesmo, Linguapax Internacional engade que en Barcelona se falan principalmente 38, entre as que se sitúan, ademais das mencionadas, o chinés mandarín, o romanés, o inglés, o ruso ou o quechua.

Fonte: 20 minutos

Este novo material ten como finalidade facilitar a integración lingüística das persoas chegadas de Latinoamérica a través da exposición das vantaxes de aprender a falar o catalán, novena lingua da Unión Europea, presente nun territorio de máis de 68 000 quilómetros cadrados no que máis de 9 millóns de persoas poden falar esta lingua.

Fonte: El Confidencial Autonómico

O escenario móbil que percorrerá todos os municipios de Mallorca durante 2020 con música en catalán comezou a súa andaina no Concello de Palma, unha iniciativa que busca promover o uso social da lingua catalá nas illas como elemento de concordia e integración.

Fonte: Diario de Mallorca

O Plan de promoción do éuscaro no ámbito socioeconómico 2020-2023 busca, entre outros, mellorar a competencia nesta lingua do persoal que traballa cara ao público, axudar no avance das competencias lingüísticas nas empresas e organizar campañas de sensibilización para promover a demanda de servizos en éuscaro.

Fonte: EITB