España
Dous emprendedores crean unha aplicación para aprender éuscaro
O obxectivo do Método SyD é achegar o éuscaro ao maior número de persoas posible dun xeito divertido a través dunha aplicación móbil que, polo momento, só está dispoñible para dispositivos Android.
Fonte: Euskadi Noticias
A Deputación de Castelló súmase á rede de servizos lingüísticos para fomentar o uso do valenciano na Administración local
A recentemente creada Área de Normalización Lingüística da Deputación de Castelló bota a andar co obxectivo de incrementar o uso do valenciano nas administracións locais. Por este motivo, unha das súas primeiras accións vai ser adherirse á rede pública de servizos lingüísticos.
Fonte: El Periodic
Danone emprega o asturiano na súa campaña publicitaria para grandes superficies
A campaña de produtos lácteos inclúe o texto 'Cola lleche fresca de 50 granxes familiares asturianes', o que, segundo Iniciativa polo Asturiano, confirma o uso da lingua como un factor positivo para a creación empresarial, que permite o contacto directo cos consumidores, diferencia a marca e achégalle valor engadido.
Fonte: Asturies.com
Nace unha nova ferramenta para a consulta de máis de 150 000 refráns, proverbios e frases feitas en catalán
A través da web de Paremioloxía catalá comparada dixital pódense consultar máis de 150 000 entradas sobre o refraneiro catalán e a súa evolución no tempo, recollidas ao longo de 25 anos polo lingüista Víctor Pàmies i Riudor. Ademais, pódese acceder á ficha fraseolóxica de cada unha, á súa información bibliográfica, á súa localización e ás fontes empregadas.
Fonte: Generalitat de Catalunya
A Deputación de Huesca recolle unha publicación en aragonés no seu boletín oficial
A Deputación de Huesca publicou en aragonés no seu boletín oficial o regulamento dos premios do festival internacional de documental etnográfico do Sobrarbe, Espiello.
Fonte: El Periódico de Aragón
O CSIC edita un calendario científico escolar de 2020 nas diferentes linguas do Estado
O Calendario científico escolar 2020, creado polo CSIC, vai dirixido ao alumnado de primaria e ESO e recolle en cada día do ano un aniversario científico ou tecnolóxico. Está dispoñible en internet para a súa descarga en castelán, galego, éuscaro, catalán e asturiano.
Fonte: Consello da Cultura Galega
A Delegación do Goberno en Baleares potenciará o catalán entre as forzas de seguridade do estado para garantir os dereitos lingüísticos da cidadanía
Nunha reunión celebrada entre a Policía Nacional, a Garda Civil, a Secretaría de Universidade, Investigación e Política Lingüística e a Delegación do Goberno en funcións, acordouse potenciar a lingua catalá entre os corpos de seguridade das illas para asegurar un bo servizo á cidadanía e garantir os seus dereitos lingüísticos.
Fonte: Última hora
Entréganse os galardóns que recoñecen o fomento do prestixio da lingua de signos catalá
Os Premios LSC de Fomento da Lingua de Signos Catalá recoñecen persoas, entidades e iniciativas que prestixian esta lingua en tres tres categorías: persoa, entidade e iniciativa, proxecto, estudo ou investigación.
Fonte: Noticiasde
O Concello de Vitoria presenta unha iniciativa para promover o éuscaro na hostalería e no comercio
O concello presentou esta nova campaña, denominada Gasteizen bai, que fomentará o uso do éuscaro en comercio e hostalería e recoñecerá os profesionais do sector nesta materia.
Fonte: Euskadi Noticias
O Concello de Nules inicia unha campaña de promoción do valenciano entre escolares
A Oficina de Normalización Lingüística do Concello de Nules inicia unha campaña de promoción do valenciano co reparto de almanaques que inclúen léxico e diversas expresións nesta lingua e que serán repartidos entre os centros escolares da localidade.
Fonte: El Periodic
Boletín
Subscríbase ao boletín
