España
Ponse en marcha unha campaña para dar a coñecer o punto voado, un signo emblemático do catalán
Co gallo da celebración o 24 de xaneiro do Día do Punto Voado (Dia del Punt Volat), ponse en marcha unha campaña para dar a coñecer este signo emblemático do catalán co obxectivo de que a organización internacional Unicode o inclúa na súa páxina de signos patrocinados.
Fonte: Generalitat de Catalunya
Investigadores da Universidade do País Vasco editan unha publicación na que distinguen tres dialectos do éuscaro
O grupo de investigación para o estudo da variación do éuscaro, Eudia, da Universidade do País Vasco realizou o estudo Euskalkien sailkapen berria no que distinguen tres dialectos desta lingua: o occidental, o central e o oriental.
Fonte: EiTB
Familias de Pamplona mostran a súa preocupación polo futuro das escolas infantís en éuscaro
As familias de Pamplona que envían as súas fillas e fillos ás escolas infantís co modelo en éuscaro manifestaron a súa preocupación pola continuidade destes centros debido á postura do Goberno municipal que considera excesiva a oferta nesta lingua.
Fonte: Cadena SER
Entréganse nas Baleares os premios do certame “E ti, xogas en catalán?”
A Consellería de Educación, Universidade e Investigación entregou os premios do concurso posto en marcha no marco da campaña 'I tu, jugues en català?' no que participaron preto de 200 aspirantes.
Fonte: Mallorca Diario
Unha tese de doutoramento trata a situación da lingua asturiana durante o franquismo
A Universidade de Oviedo acolleu a presentación dunha tese de doutoramento do xornalista e profesor Inaciu Galán que trata a situación da lingua asturiana durante o franquismo.
Fonte: AsturNews
A lingua de signos estará presente por primeira vez nun proxecto audiovisual dos Museos de Sitges
Os Museos de Sitges incorporan por primeira vez a lingua de signos nun proxecto audiovisual no marco do programa ‘La Mirada Táctil’ posto en marcha pola Deputación de Barcelona.
Fonte: Sitges Vida
Ponse en marcha unha campaña para esixir o respecto aos dereitos lingüísticos na sanidade pública do arquipélago balear
A Plataforma pola Lingua habilitou unha web para que a cidadanía lle envíe unha carta á presidenta do Goberno balear na que lle esixe que se garantan os dereitos lingüísticos na sanidade pública das illas.
Fonte: 20minutos
Preséntase un borrador do novo Plan de normalización lingüística 2020-2023 de Xixón
O novo Plan de normalización lingüística 2020-2023 do Concello de Xixón inclúe 89 medidas, a maioría recollidas xa no plan 2016-2019 ás que se suman algunhas que fan referencia ao impulso do asturiano entre a mocidade ou á necesidade de fixar unha presenza mínima desta lingua nas actividades do Consistorio, entre outras.
Fonte: El Comercio
O Estado español mostra o seu interese en formar parte da Comunidade de Países de Lingua Portuguesa
O Ministerio de Asuntos Exteriores manifestou o interese do Estado español por ingresar como observador asociado na Comunidade de Países de Lingua Portuguesa, o que provocou un freo na candidatura da Xunta de Galicia para acceder a esta agrupación.
Fonte: Galicia Confidencial
Valencia acolle un recital poético nas diferentes linguas do Estado
Valencia convértese na capital da poesía e a diversidade lingüística cun acto no que intervirán oitos poetas que ofrecerán un recital en varias linguas, como galego, valenciano, éuscaro, catalán e castelán.
Fonte: La Vanguardia
Boletín
Subscríbase ao boletín
