A plataforma HE Gurasoak manifestou que, a pesar da escaseza de prazas, matricularán as súas fillas e fillos nas escolas infantís de Pamplona. Porén, ante o risco de quedar sen praza, anunciaron a posta en marcha dunha Herri Haur Eskola ou Escola Infantil Popular temporal, unicamente para o próximo curso, para facerse cargo da demanda non atendida.

Fonte: Naiz

A conselleira de Relacións Cidadás compareceu en comisión parlamentaria para informar sobre as accións do seu departamento durante a crise da COVID-19 e fixo un chamamento a apostar polo éuscaro dentro dun novo modelo de turismo sustentable, vinculando esta lingua co local e como elemento de identidade e autenticidade.

Fonte: Noticias de Navarra

O Festival Internacional de Cinema Documental de Barcelona, DocsBarcelona, celebra a 23^a edición en liña a través da plataforma de cinema FilminCAT entre os días 19 e 31 de maio. Este ano ofrecerá 21 longametraxes en versión orixinal subtitulada en catalán co apoio da Dirección Xeral de Política Lingüística.

Fonte: Generalitat de Catalunya

O Consello de Goberno aprobou a orde que establece as subvencións para os centros concertados que participen no programa Ulibarri de normalización lingüística con proxectos que teñan como obxectivo contribuír ao fomento do uso do éuscaro na comunidade educativa.

Fonte: Gobierno Vasco

Malaia.cat é unha canle que ten como obxectivo incentivar a produción en catalán nas redes sociais como Tik Tok, YouTube, Instagram etc, sobre todo, entre a xente nova, principal usuaria deste tipo de ferramentas.

Fonte: Generalitat de Catalunya

Segundo o estudo presentado por Galtzaundi Euskara Taldea e o Concello de Tolosa, que mide o uso das linguas nas rúas deste municipio no ano 2019, o emprego do éuscaro alcanza o 49,1 % (vinte puntos máis que hai 34 anos), mentres que o do castelán se sitúa nun 48,5 %.

Fonte: Tolosako Udala

Dende este enclave leonés consideran que a homenaxe a Fernández Morales polo Día das Letras Galegas do vindeiro ano serviría de apoio á promoción do galego na comarca, ademais de saldar unha débeda con este autor berciano.

Fonte: La Nueva Crónica

O Termcat ofrece unha nova ferramenta para que calquera persoa interesada poida facerlle chegar propostas terminolóxicas de forma sinxela e rápida a través dun cuestionario en liña que contén quince preguntas.  

Fonte: Generalitat de Catalunya

A XDLA lamenta que o Goberno do Principado e o Consello Regulador DOP Sidra de Asturias ignorasen o emprego da lingua asturiana en dúas importantes campañas.

Fonte: AsturNews

Co gallo da celebración do Día Internacional de Internet, a Fundación Puntueus presentou ni.eus, un servizo de correo electrónico en éuscaro desenvolvido xunto á empresa vasca Guebs.

Fonte: EITB