O Léxico de doenzas minoritarias, elaborado en colaboración co Servizo Catalán da Saúde, recolle máis de 470 conceptos sobre estas enfermidades en catalán, coas súas equivalencias en castelán, inglés e francés.

Fonte: Generalitat de Catalunya

Os cambios foron realizados no curso 2016/2017 en cinco escolas infantís (0-3 anos) e supuñan unha reconfiguración da planificación educativa para a que o concello non ten competencia, segundo o auto do Tribunal Superior de Xustiza, pois incumpre o Decreto Foral que obriga a garantir a continuidade no mesmo centro do modelo lingüístico escollido polo alumnado ata o final da súa escolarización.

Fonte: El Diario

Dende hai semanas o colectivo recibe queixas denunciando este feito, polo que se dirixen ás administracións competentes para esixir o cumprimento dos pactos acadados nos estatutos de autonomía referentes á presenza e defensa do galego nos territorios limítrofes con Galicia. 

Fonte: Info Bierzo

Varas entidades recolleron nun documento as vulneracións de dereitos lingüísticos sufridas por falantes de valenciano ao longo do ano 2019, un informe que lle entregaron á Generalitat Valenciana.

Fonte: València Extra

O proxecto internacional NexusLinguarum axudará a reducir as barreiras lingüísticas en Europa e favorecerá o comercio electrónico e o intercambio cultural entre países de distinto idioma. Así mesmo, servirá de apoio ás linguas minoritarias cuxo soporte tecnolóxico sexa limitado.

Fonte: Aragón Digital

Os orzamentos dedicados ao asturiano pasan de 1 7037 630 euros a 1 904 630, o que supón un incremento de 201 000 €, unha cantidade que representa o 0,04 % do total. As partidas máis importantes son as destinadas á televisión pública, ao novo servizo de normalización lingüística da Universidade de Oviedo e á Academia da Lingua Asturiana.

Fonte: El Comercio

As illas Baleares súmanse á campaña «I tu, jugues en català?» para fomentar o uso e o consumo de xogos e xoguetes en catalán. Para iso, organizan un concurso no que se realizarán preguntas a través da web jocsencatala.cat sobre xogos e costumes locais tradicionais.

Fonte: Setminario Soller

O secretario xeral de Política Lingüística, Valentín García Gómez, participou, na sede da Asociación Cultural Galega Rosalía de Castro de Cornellà, no acto de 33º Aniversario do Certame de Poesía Rosalía de Castro.

Fonte: O Portal da Lingua Galega

A AVL inaugurou o curso coa entrega das medallas que recoñecen os labores de difusión e defensa do valenciano e aproveitou para reclamar unha maior atención sobre as normas que velan pola igualdade desta lingua en todos os ámbitos.

Fonte: La Vanguardia

Os galardóns, que outorga a Deputación Foral de Biscaia como recoñecemento á difusión e normalización do éuscaro e a cultura vasca, contan con varias categorías. O Premio Honorífico Lauaxeta deste ano recaeu no programa de normalización lingüística na Administración EraMiak, pola súa contribución ao fomento desta lingua no mundo laboral.

Fonte: Bizkaia Gaur