España
O profesorado das escolas oficiais de idiomas, artes e conservatorios necesitará un nivel C1 de valenciano
Segundo a orde do Diario oficial da Comunidade, a Consellería de Educación prevé establecer como requisito lingüístico ter o nivel C1 de valenciano para o corpo de profesores e catedráticos das escolas oficiais de idiomas, as de Artes Plásticas e Deseño, de Música e Artes Escénicas.
Fonte: El Periódico Mediterráneo
O Concello navarro de Orkoien ofrecerá actividades en éuscaro
O Concello de Orkoien ofrecerá actividades culturais e deportivas en éuscaro, tanto para persoas adultas, para as que haberá zumba, TRX ou ciclo indoor; como para os cativos, con pelota, natación... Así mesmo, ofertaranse actividades con grupos bilingües.
Fonte: Pamplona Actual
O Goberno de Navarra contrata servizos de tradución do éuscaro ao castelán e viceversa
O Goberno de Navarra, a través de Euskarabidea, contratará para os vindeiros catro anos, por un importe de 860 000 euros, servizos de tradución do éuscaro ao castelán e viceversa.
Fonte: Navarra.com
A Consellería de Educación de Asturias celebra a segunda edición do Premio Nel Amaro do Teatro Profesional en asturiano e galego-asturiano
Nesta edición do Premio Nel Amaro poderán participar obras de compañías profesionais que xa se estrearon, tanto en versión orixinal ou adaptadas noutras linguas.
Fonte: El Búscolu
O conselleiro de Cultura do Goberno vasco quere impulsar o uso do éuscaro na Administración
O conselleiro vasco de Cultura recorda que un 70% do persoal da Administración ten un determinado nivel de éuscaro e o obxectivo e que o use no ámbito laboral.
Fonte: ABC
Celébrase por vez primeira o Día das Linguas de Estremadura
O pasado 18 de agosto celebrouse o I Día das Linguas de Estremadura co obxectivo de poñer en valor o patrimonio lingüístico desta comunidade. A esta cita acudiron representantes de colectivos defensores das diferentes modalidades lingüísticas estremeñas: o portugués, o 'extremeñu' e a fala.
Fonte: El Periódico de Extremadura
A comarca aragonesa do Bajo Cinca pon en marcha un programa para fomentar a lectura en catalán
A comarca aragonesa do Bajo Cinca asinou un acordo co Departamento de Educación, Cultura e Deporte do Goberno aragonés, polo cal recibirá unha subvención de 5000 euros para financiar actividades de promoción e dinamización social e cultural da lingua catalá.
Fonte: Heraldo
O Goberno de Navarra destina 629 997 euros a axudas para fomentar o uso do éuscaro nos medios de comunicación
O Goberno de Navarra destina unha serie de axudas para fomentar o uso do éuscaro na prensa escrita, as radios e os medios de comunicación en liña. Segundo o Instituto Navarro do Éuscaro, un total de 24 beneficiarios cumpren os requisitos para recibilas.
Fonte: La Vanguardia
Handia podería converterse no primeiro film rodado en éuscaro en chegar aos premios Óscar
Handia é a película en éuscaro máis vista da historia. Conseguiu dez dos trece premios Goya aos que estaba nomeada e agora competirá por chegar aos Óscar na categoría de Mellor película de fala non inglesa.
Fonte: Play Ground
A festa de San Miguel, en Gavà, estará dedicada este ano á lingua catalá
Gavà celebra, no Castelo de Eramprunya, a festividade de San Miguel que este ano está dedicada á lingua catalá no marco do 150 aniversario do nacemento de Pompeu Fabra.
Fonte: El Periódico
Boletín
Subscríbase ao boletín
