España
A Xunta estuda "estender" a influencia da Televisión de Galicia a zonas de Asturias, León e Zamora onde se fala galego
O Goberno autonómico estudará "estender" os servizos da Televisión de Galicia (TVG) a zonas de comunidades limítrofes -como Asturias, O Bierzo (Castela e León) e Sanabria (Zamora)- que permanecen na súa área de influencia lingüística e nas que o denominado 'galego estremeiro' sobrevive como lingua de uso cotián.
Fonte: Qué
Un total de 19 municipios proxectará películas en éuscaro en Nadal
Obaba, Animal Channel, Oliver Twist, Checkpoint Rock, Goazen, Robotak, Niko eta izarretako bidea ou Ponyo son algunhas das películas que poderán verse en éuscaro en 19 municipios do País Vasco durante o vindeiro mes de decembro.
Fonte: El País
O Concello de Barcelona prima o catalán como lingua vehicular
O Concello de Barcelona aprobou en comisión o Regulamento de uso da lingua catalá, que de acordo coa Lei de política lingüística e o Estatuto, prioriza o catalán como lingua vehicular do consistorio.
Fonte: El País
O Bloque Nacionalista defende o coñecemento do valenciano como requisito lingüístico para acceder á administración pública
A executiva nacional do Bloque Nacionalista Valenciano adheriuse formalmente ao manifesto a favor do coñecemento do valenciano para o acceso a un posto de traballo das administracións públicas.
Fonte: Europa Press
A televisión pública do País Vasco e a Real Academia da Lingua Vasca asinan un acordo para o "bo uso" do éuscaro
O ente público Euskal Irrati Telebista (EITB) e a Real Academia da Lingua Vasca-Euskaltzaindia asinaron o seu terceiro acordo marco de colaboración, cuxo obxectivo é garantir o "bo uso" do éuscaro nos medios de comunicación da radio televisión pública.
Fonte: ABC
O vicepresidente da televisión pública da Comunidade Valenciana presenta un recurso por incumprimento do uso do valenciano
O vicepresidente do Consello de Administración de Radiotelevisión Valenciana (RTVV), José Ignacio Pastor, presentou un recurso de alzada polo "incumprimento" do Estatuto de Autonomía no ente, que establece que o valenciano é a lingua oficial.
Fonte: ADN
A Mesa da Comisión de Educación das Cortes de Aragón admite a trámite as 258 emendas á lei de linguas
A Mesa da Comisión de Educación, Cultura e Deporte das Cortes de Aragón cualificou as 258 emendas presentadas polos grupos parlamentarios á proposición de Lei de uso, protección e promoción das linguas propias de Aragón.
Fonte: Europa Press
Unha campaña anima a usar o éuscaro nas redes sociais
A Sociedade de Estudos Vascos-Eusko Ikaskuntza e a firma Kukuxumusu asociáronse para realizar unha campaña que pretende animar ao uso da lingua vasca nas diferentes redes sociais de internet.
Fonte: Diario Vasco
Presentan a primeira web de Navarra con lingua de signos
A Asociación de Persoas Xordas de Navarra (Asorna) presenta a súa páxina web, a primeira da comunidade foral accesible a persoas xordas, oíntes e cegas, un proxecto subvencionado pola Fundación ONCE.
Fonte: Noticias de Navarra
Unha nova ferramenta en liña gratuíta axilizará a tradución entre éuscaro e castelán
A Fundación Elhuyar colocou na rede a ferramenta ItzulTerm, que serve para extraer automaticamente pares de termos equivalentes en éuscaro e castelán dunha memoria de tradución. A nova ferramenta está dirixida a persoas que traballan con memorias de tradución, isto é, tradutores, terminólogos, lingüistas e técnicos de éuscaro, entre outros.
Fonte: El Correo Digital
Boletín
Subscríbase ao boletín
