A pesar dos esforzos da conselleira Isabel Celaá por cambiar o paso e centrar a atención da comunidade educativa na aposta tecnolóxica da Escola 2.0 ou no avance do trilingüismo, o debate sobre os modelos xorde unha e outra vez sen solución de continuidade.

Fonte: El País

Canarias, pese a que é unha das rexións que máis turistas e inmigrantes recibe de España, carece dun programa público de mediadores lingüísticos, uns profesionais que exercen de enlaces entre os estranxeiros e a sociedade canaria para salvar diferenzas idiomáticas, pero tamén culturais.

Fonte: La Opinión de Tenerife

Mihiluze, o concurso de ETB -1 máis seguido polos estudantes dos euskaltegis, regresa ás pantallas con algunhas novidades, entre as que se encontra unha edición especial os sábados protagonizada por nenos.

Fonte: El Correo Digital

Investigadores da Universidade Politécnica de Madrid e a Confederación Estatal de Persoas Xordas desenvolveron o primeiro sistema automático para a tradución de voz á lingua de signos española (LSE) que lles facilitará ás persoas xordas a realización de trámites coa Administración.

Fonte: Madri+d

Un total de catorce comités do Partido Aragonés (PAR) da zona oriental uníronse para rexeitar o proxecto de Lei de linguas do PSOE porque "trata de impoñer o catalán", segundo indican nun comunicado.

Fonte: El Periódico de Aragón

O inglés estase infiltrando cada curso con máis intensidade nos colexios e institutos cataláns. Son 245 centros e 96.315 alumnos os que se sumarán este curso ao plan de linguas estranxeiras da Generalitat. En total, serán 372.000 alumnos de 1.045 centros, un de cada tres, os que reforzarán un idioma estranxeiro este curso. A inmensa maioría focalizaranse no inglés.

Fonte: El País

O Concello de Vitoria presentou unha nova campaña para promover o éuscaro na cidade, para animar os cidadáns a estudalo e, sobre todo, para que as persoas que xa o coñecen o usen.

Fonte: El Correo Digital

Tras o recoñecemento legal da lingua de signos española, esta gramática convértese nunha obra de referencia na normalización lingüística deste idioma. Esta publicación, composta por un libro e un DVD, é ademais dunha ferramenta de consulta un recurso fundamental para o seu ensino e aprendizaxe.

Fonte: Europa Press

O Goberno aprobará a creación dun centro de normalización lingüística para a lingua de signos o vindeiro mes, segundo anunciou o secretario xeral de Política Social, Francisco Moza.

Fonte: Europa Press

O proxecto para reformar a lei de estranxeiría chega ao Congreso e CiU xa anunciou que votará en contra das emendas á totalidade. O deputado da federación que se encarga deste, Carles Campuzano, asegura que lle gustaría chegar a un acordo co PSOE e que, ademais, sería desexable un "acordo de fondo" por parte de todos os grupos parlamentarios. Pero que se chegue a un pacto depende en gran parte da importancia que se lle dea ao coñecemento do catalán, é dicir, que se recoñeza como factor de integración.

Fonte: Avui