España
O interese por aprender éuscaro estáncase en Vitoria e aumentan os alumnos de linguas estranxeiras
O éuscaro, que ata agora era unha das linguas máis demandadas na Escola de Idiomas de Vitoria, foi perdendo peso en comparación coas linguas estranxeiras. Así, en só un ano, a demanda de alemán e francés creceu en torno a un 20 %.
Fonte: Noticias de Álava
Un total de 50 graos universitarios impartidos na Comunidade Valenciana ten materias en lingua estranxeira
Un total de 50 graos universitarios ofertados polas universidades públicas da Comunidade Valenciana conta con algunha materia impartida nunha lingua estranxeira, normalmente en inglés.
Fonte: El Mundo
A Real Academia Española estudará se cambia a definición de ‘bable’ e ‘asturiano’ para eliminar a denominación de dialecto
A Real Academia Española fixo chegar unha comunicación do seu secretario, Darío Villanueva, a Iniciativa polo Asturiano na que agradece o informe e proposta enviados por esta organización á RAE para solicitar a revisión e modificación da definición dos termos ‘asturiano’ e ‘bable’ no seu Dicionario, onde hogano aparecen definidos como ‘dialecto’ en lugar de lingua ou idioma.
Fonte: El Comercio
A Federación de Xordos de Murcia pide que se inclúa a lingua de signos no Estatuto de Autonomía da Comunidade
O presidente da Federación de Xordos da Rexión de Murcia, Francisco Pérez, reivindicou que se inclúa a lei 27/2007 sobre o uso da lingua de signos no Estatuto de Autonomía para garantir o acceso á información das persoas xordas e xordo-cegas nas administracións e nos medios de comunicación.
Fonte: ABC
A terceira convocatoria de teatro de bolso impulsa o uso do éuscaro
Donostia Kultura, coa colaboración do Servizo de Éuscaro do Concello e a Asociación de Amigos do Teatro do País Vasco, convoca na súa terceira edición un proxecto para promover a creación en éuscaro de obras de teatro de bolso.
Fonte: Diario Vasco
A inmersión en catalán mantén a hexemonía nas escolas de Baleares
En contra do que se podería esperar, a libre elección de lingua para aprender a ler e escribir en castelán non inclinou a balanza a favor da lingua de Cervantes, nin sequera nos centros con máis inmigración.
Fonte: La Vanguardia
Xa se pode ler en liña a primeira tese de doutoramento tramitada por completo en asturiano
A Universidade de Oviedo acaba de pór en liña a tese de doutoramento de Xuan Santori Vázquez, titulada “O papel dos escritores do Rexurdimento na recuperación do asturiano: a visión do escritor”. Trátase dunha tese redactada en asturiano que puido facer todos os trámites, por primeira vez, nesta lingua.
Fonte: Asturnews
Iniciativa polo Asturiano amosa o seu descontento coa falla de uso da toponimia oficial e o asturiano en Xixón
Iniciativa polo Asturiano fixo chegar ao concelleiro de Cultura, Educación e Festas de Xixón, Carlos Rubiera, o seu descontento sobre o uso do asturiano por parte do concello.
Fonte: Asturnews
O Centro de Normalización Lingüística de Sabadell aumenta os alumnos interesados en aprender catalán
O interese por aprender catalán crece en Sabadell, como indica o éxito dos cursos organizados polo Centro de Normalización Lingüística de Sabadell (CNL).
Fonte: El Periódico
Nace unha asociación para fomentar o uso do asturiano entre os rapaces de cero a seis anos
Naceu una nova asociación, Reciella, que ten por obxectivo transmitir e promover a lingua asturiana vehicular entre os nenos de cero a seis anos.
Fonte: Europa Press
Boletín
Subscríbase ao boletín
