O Kursaal de San Sebastián acollerá ‘Empresarean’, a primeira feira de empresas que ofrecen os seus servizos en éuscaro, cuxo obxectivo é promover as relacións entre compañías dos mesmos ou diferentes sectores, compartir experiencias e ser punto de encontro para coñecer a novos provedores.

Fonte: Diario Vasco

Segundo os datos recollidos nunha medición realizada en outono nas rúas, o uso do éuscaro en Zarautz é do 50%. A metade dos zarautzarras utilizan o éuscaro de forma habitual, aínda que a porcentaxe de falantes de euskera é 20 puntos máis elevado, dun 70,1%.

Fonte: Diario Vasco

O Goberno de Navarra publicou no seu portal web (www.navarra.es) a versión en éuscaro de Lex Navarra, un catálogo que compila as normas políticas e administrativas da Comunidade Foral, permanentemente actualizadas.

Fonte: ABC

O catalán e o valenciano son o mesmo. Ou, polo menos, sono para o Tribunal Supremo, quen recoñeceu a unidade da lingua e a equivalencia entre as denominacións de catalán e valenciano.

Fonte: ABC

A conselleira asturiana de Educación, Cultura e Deporte, Ana González Rodríguez, propuxo a posibilidade de que o Principado “recoñeza o profesorado de lingua asturiana" como unha figura específica dentro do ámbito docente.

Fonte: 20 minutos

A nova Lei de linguas de Aragón recollerá e protexerá a pluralidade lingüística da comunidade en dúas zonas concretas –Pireneos e área oriental-, pero elimina do documento a normalización do uso do catalán.

Fonte: El Correo

Un dicionario elaborado polo lingüista Aitor Arana recolle moitos dos termos en éuscaro que se utilizaban no val de Guesálaz e en Salinas de Oro nos séculos XVIII e XIX.

Fonte: Noticias de Navarra

O presidente da Generalitat Valenciana, Alberto Fabra, avanzou que a Generalitat aprobará un decreto que permitirá recoñecer como oficiais os cursos de linguas estranxeiras que imparten as universidades públicas e privadas valencianas.

Fonte: Levante-emv

O Departamento de Cultura da Generalitat catalá asinou acordos de colaboración coas asociacións coas asociacións Amical Viquipèdia e Lectura Fàcil co obxectivo de promover e difundir a lingua catalá.

Fonte: Generalitat de Catalunya

A metade dos traballadores do Concello de Bilbao é capaz de comunicarse en éuscaro, aínda que a lei unicamente obriga a que o faga un 28 % do cadro de persoal.

Fonte: Deia