España
O programa do ‘Voluntariado polo valenciano’ suma xa 6000 parellas lingüísticas
O programa do ‘Voluntariado polo valenciano’, creado por Escola Valenciana en 2005, suma xa 6000 parellas lingüísticas formadas por un voluntario falante de valenciano e unha persoa que quere aprender a lingua para charlar en valenciano durante unha hora á semana.
Fonte: Europa Press
O Parlamento vasco logra unha acreditación de calidade polo uso e xestión do éuscaro
O Parlamento vasco conseguiu o diploma de prata Bikain de ‘Calidade no Éuscaro’, que acredita o bo uso e xestión desta lingua.
Fonte: Europa Press
Lanzan a primeira web en catalán de ofertas e compras en grupo por cupóns
Un grupo de mozos emprendedores lanzou a primeira web de ofertas e compras en grupo por cupóns en catalán, bautizada como “Catoferta.cat” e que xa se atopa activa en internet.
Fonte: Finanzas
Pídenlles un maior compromiso aos concellos e Goberno de Asturias sobre os servizos de normalización lingüística
Despois de saber que o Goberno asturiano recortará un 20 % o orzamento que destina aos servizos de normalización lingüística, a Xunta pola Defensa da Lingua Asturiana pediulles aos concellos que “amosen o seu compromiso con estas entidades e cos postos de traballo que xeran”.
Fonte: Asturnews
Os medios de comunicación en éuscaro únense para fortalecer o sector
Os medios de comunicación privados en éuscaro crearon Hekimen, unha asociación que servirá para unificar a súa voz e para potenciar un sector que neste momento ocupa un ámbito "reducido” e “débil”.
Fonte: ABC
O Concello de Pamplona e a Escola Navarra de Teatro asinan un convenio para financiar actividades relacionadas co éuscaro
O alcalde de Pamplona e a directora administrativa da Escola Navarra de Teatro asinaron un convenio de colaboración para subvencionar actividades relacionadas coas artes escénicas nas que se utilice o éuscaro como lingua de expresión.
Fonte: Europa Press
A Comunidade Valenciana recoñece o uso da lingua de signos e promoverá o seu ensino, protección e respecto
A Confederación Estatal de Persoas Xordas (CNSE) e a Federación de Persoas Xordas da Comunidade Valenciana (Fesors CV) amosaron a súa satisfacción pola aprobación da Carta de Dereitos Sociais da Comunidade Valenciana que asegurará o uso da lingua de signos propia das persoas xordas, que deberá ser obxecto de ensino, protección e respecto.
Fonte: El Economista
O consello de organismos sociais do éuscaro, Kontseilua, reclama medidas para levar esta lingua á vida laboral
O consello de organismos sociais do éuscaro, Kontseilua, reclamoulle á Administración que poña en marcha medidas para que as persoas que queiran “traballar en éuscaro” poidan levar a cabo este propósito.
Fonte: Diario Vasco
Máis de 20 500 alumnos asisten este curso a clases de lingua asturiana en Primaria e Secundaria
Nos centros asturianos públicos de ensino primario e secundario hai uns 20 500 alumnos que estudan a lingua asturiana.
Fonte: El Comercio
O Concello de Tenerife subvenciona unha fundación para contar con servizo de intérpretes de lingua de signos
O Concello de Tenerife achegará 4860 euros a unha fundación, que estarán destinados a cubrir o 40 % do custo anual do servizo de intérpretes de lingua de signos. Este recurso está concibido como unha ponte de entendemento entre a comunidade xorda e a oínte, facendo accesible a información noutra lingua e logrando integrar as persoas xordas na sociedade sen limitacións comunicativas.
Fonte: Tecnosord
Boletín
Subscríbase ao boletín
