España
Aumentan un 16 % os navarros que apoian o uso e promoción do éuscaro nas dúas últimas décadas
A actitude favorable cara á promoción do uso do éuscaro en todos os territorios onde se fala esta lingua aumentou sete puntos nas últimas dúas décadas, ao pasar do 47,5 % ao 55,2 %. No entanto, o maior aumento desta actitude positiva percíbese en Navarra, onde en 1991 había un 21,6 % de habitantes en favor de promover o éuscaro e na actualidade sitúase en 37,7 %.
Fonte: Noticias de Navarra
A Xunta pola Defensa da Lingua Asturiana cre que a nova lei de educación agravará a marxinación do asturiano
A Xunta pola Defensa de la Lingua Asturiana rexeita completamente os plans do ministro de Educación, Cultura e Deporte, José Ignacio Wert, para a futura lei de educación, que suporá tamén un ataque ao ensino da lingua asturiana.
Fonte: Europa Press
O Goberno vasco lanza unha campaña para avanzar cara á “igualdade real” entre o éuscaro e o castelán
O Goberno vasco puxo en marcha a campaña “Os teus dereitos lingüísticos están protexidos”, coa que pretende protexer a liberdade dos cidadáns e avanzar cara á “igualdade real” do éuscaro e o castelán, as dúas linguas oficiais de Euskadi.
Fonte: Qué!
Os alumnos de Primaria de Baleares deberán estudar un mínimo de 5 horas de castelán, catalán e unha lingua estranxeira
Os alumnos de Educación Primaria de Baleares deberán cursar un mínimo de cinco horas en cada unha das linguas oficiais (castelán e catalán) e na lingua estranxeira, preferiblemente, o inglés.
Fonte: Europa Press
O Goberno vasco traballará para solucionar as carencias detectadas no uso do éuscaro nas áreas de saúde e xustiza
A viceconselleira de Política Lingüística do Goberno vasco, Lurdes Auzmendi, comprometeuse a “traballar seriamente” para solucionar as carencias detectadas polo Consello de Europa no informe sobre as linguas minoritarias de España no uso do éuscaro nas áreas de saúde e xustiza.
Fonte: Europa Press
Iniciativa polo Asturiano critica a “política de marxinación” do bable que exerce a Fundación Príncipe de Asturias
A través dun comunicado, o colectivo apuntou que a Fundación non posibilita visitar a súa páxina web en asturiano, aínda que pode lerse ata en once linguas, e tampouco inclúe o bable en ningún acto da Semana de Premios.
Fonte: 20 Minutos
O partido político NaBai pide que os nomes oficiais das rúas de Pamplona sexan bilingües
A voceira de NaBai no Concello de Pamplona anunciou que o seu grupo presentará unha moción para esixir que os nomes oficiais das rúas da cidade sexan bilingües.
Fonte: Diario de Navarra
San Sebastián acollerá a feira Xare, que pretende impulsar o uso do éuscaro nas novas tecnoloxías
A feira Xare, que ten como obxectivo que as ferramentas en éuscaro para as novas tecnoloxías “teñan visibilidade” entre a cidadanía, contará con diversos encontros e actividades, que estarán repartidos entre 10 e 15 expositores.
Fonte: Diario vasco
O programa de integración ao éuscaro de inmigrantes cumpre unha década
O programa de integración de inmigrantes ao éuscaro pretende apoiar a aprendizaxe da lingua vasca daqueles rapaces con dificultades para expresarse neste idioma, así como daqueles que se están escolarizando e non coñecen o éuscaro.
Fonte: Diario Vasco
O Goberno de Navarra elimina das placas da Policía Foral a denominación en éuscaro
As novas credenciais da Policía Foral de Navarra, outorgadas ás últimas promocións de funcionarios que ingresaron na organización, carecen da denominación en éuscaro e unicamente conteñen a inscrición en castelán.
Fonte: Noticias de Navarra
Boletín
Subscríbase ao boletín
