España
A Confederación de Persoas Xordas denuncia que non se lles garante a aprendizaxe de lingua de signos aos alumnos xordos
A Confederación de Persoas Xordas denunciou que a aprendizaxe, uso e coñecemento da lingua de signos para alumnos xordos e as súas familias non se garante, a pesar da Lei 27/2007, de 23 de outubro, pola que se recoñecen as linguas de signos españolas e se regulan os medios de apoio á comunicación oral das persoas xordas, con discapacidade auditiva e xordocegas.
Fonte: Europa Press
O Instituto Etxepare promove o éuscaro a través do surf
Surfeatu ezazu euskararen olatua (Pilla a onda do éuscaro) é o lema escollido polo Instituto Etxepare para a súa nova campaña de difusión da lingua vasca. Coincidindo coa celebración do Día Internacional do Éuscaro, o organismo presentou un vídeo, realizado en colaboración co Surf Film Festival de San Sebastián, co que se pretende potenciar a divulgación desta lingua.
Fonte: La Vanguardia
As comunidades autónomas pagarán ensino privado en castelán se non hai oferta pública
As administracións sufragarán a escolarización en centros privados cando os alumnos non atopen unha oferta docente pública ou concertada na lingua vehicular de ensino que escollan os pais ou titores.
Fonte: RTVE
As consellerías catalás de Cultura e Xustiza renovan a colaboración co Consello do Colexio de Avogados para fomentar o catalán
O conselleiro de Cultura en funcións, a conselleira de Xustiza en funcións, o presidente da Oficina de Apoio ás Iniciativas Culturais e o presidente do Consello do Colexio de Avogados de Cataluña asinaron un acordo para fomentar o uso, a difusión e o coñecemento do catalán entre os avogados.
Fonte: Generalitat de Catalunya
Propoñen un proxecto de produción masiva de artigos en éuscaro para a Wikipedia
Trátase de establecer as normas para dar os primeiros pasos na alimentación masiva da Wikipedia por parte do alumnado da ESO e de Bacharelato; iso si, sempre baixo a supervisión do profesorado.
Fonte: Deia
Os servizos de intérpretes de lingua de signos poderían desaparecer en Castela-A Mancha
Os oito intérpretes de lingua de signos e os catro mediadores que traballan na Federación de Asociacións de Persoas Xordas de Castela-A Mancha están pendentes da renovación do convenio que permite a súa actividade.
Fonte: Tecnosord
O Tribunal Superior de Xustiza de Cataluña ratifica o catalán como lingua vehicular do ensino
O Tribunal Superior de Xustiza de Cataluña ratificou o catalán como lingua “vehicular do ensino, administrativa e de comunicación utilizada normalmente” nas actividades dos centros escolares.
Fonte: El Periódico
As universidades catalás farán unha proba común de acceso en catalán
O Goberno e os reitores das universidades catalás póñense de acordo para evitar que os estudantes accedan á carreira sen competencias na lingua propia.
Fonte: El Punt Avui
Navarra Televisión traducirá ao éuscaro algúns dos seus programas
O Instituto Navarro do Éuscaro, organismo autónomo dependente do Goberno foral, traducirá ao éuscaro parte dos contidos emitidos nesta lingua pola canle autonómica Navarra Televisión.
Fonte: Diario Vasco
O Concello de Getxo subvencionará con 40 000 euros actividades extraescolares en éuscaro
O Concello de Getxo aprobou distribuír 40 000 euros en forma de subvencións para fomentar o éuscaro en actividades extraescolares de centros de ensino e asociacións de pais e nais.
Fonte: Deia
Boletín
Subscríbase ao boletín
