España
Arranca outra edición do programa de espectáculos en éuscaro “Ikusi eta ikasi”
O concello de Bilbao pretende, coa entrada do novo ano, achegar os mellores espectáculos en éuscaro a nenos e nenas así coma a persoas adolescentes, da man da novena edición do programa “Ikusi eta Ikasi”.
Fonte: Deia
Máis de 2000 persoas participaron nas actividades culturais en éuscaro promovidas polo Goberno de Navarra
Un total de 2028 persoas participou o ano pasado nas actividades culturais en éuscaro que organizou o Goberno de Navarra, a través do Instituto Navarro do Éuscaro, no marco do programa Kultur Zikloa.
Fonte: Europa Press
O Consorcio pola Normalización Lingüística potencia o uso do catalán en empresas
O Consorcio pola Normalización Lingüística impartirá cursos en liña e semipresenciais para potenciar o uso do catalán no contorno laboral, dado que considera esta lingua como unha ferramenta de competitividade para empresas e empregados.
Fonte: Qué!
Organizan ciclos de cine infantil en éuscaro os domingos pola tarde en Labeaga
Volve o cine infantil en éuscaro os domingos pola tarde, impulsado polas Comisións de Éuscaro dos concellos de Urretxu e Zumarraga.
Fonte: Diario Vasco
O Concello de Anoeta organizou un curso de éuscaro para inmigrantes
O Concello de Anoeta puxo en marcha co inicio do novo ano un curso de éuscaro para inmigrantes.
Fonte: Diario Vasco
A páxina web Softcatalà pechou 2012 con 826 151 descargas de software en catalán
Softcatalà é unha asociación sen ánimo de lucro que traballa na difusión da lingua catalá no sector informático relacionado con internet e as novas tecnoloxías. En 2012, a súa páxina web rexistrou 24 102 024 visitas e 826 151 descargas de software en catalán desde esta.
Fonte: Finanzas
O asubío da Gomera reavívase nesta illa canaria
Na illa da Gomera, unha antiga lingua asubiada que no seu momento parecía destinada á desaparición, está sendo reavivada.
Fonte: BBC
Municipios biscaíños promoven a escolarización en éuscaro de nenos de 2 e 3 anos
Trinta e seis municipios de Biscaia puxeron en marcha unha campaña informativa para animar a unhas 7000 familias a que matriculen no modelo D, de ensino en éuscaro, aos seus fillos de 2 e 3 anos.
Fonte: Deia
A nova Lei de educación incluirá o asturiano como materia de oferta obrigada nos centros
A conselleira de Educación e Cultura do Principado, Ana González, anunciou que a futura Lei orgánica para a mellora da calidade educativa (LOMCE) incluirá finalmente a lingua asturiana como materia de oferta obrigada nos centros.
Fonte: RTPA
O Concello de Barakaldo busca promover o uso do éuscaro mediante un programa teatral para público familiar
Todas as obras do Programa de Artes Escénicas para Público Familiar confeccionado polo Concello de Barakaldo (Biscaia) para este ano serán representadas en éuscaro. O obxectivo é promover o uso da lingua vasca entre a cidadanía do municipio.
Fonte: 20 Minutos
Boletín
Subscríbase ao boletín
