España
Miles de persoas participan en Navarra na festa a favor das escolas en éuscaro
Aínda que o mal o tempo reduciu a participación, foron miles as persoas que non dubidaron en participar na festa en favor das ikastolas e que puideron gozar dos numerosos actos organizados.
Fonte: ABC
A asociación FIAPAS denuncia que non se aplique a lei que regula a lingua de signos
A Confederación Española de Familias de Persoas Xordas (FIAPAS) denunciou que a lei pola que se recoñecen as linguas de signos españolas e se regulan os medios de apoio á comunicación oral das persoas xordas, con discapacidade auditiva e xordocegas “non se desenvolveu en todos os seus termos”, despois de cinco anos desde a súa entrada en vigor.
Fonte: Europa Press
Cincuenta persoas participan en Llodio en programas para falar éuscaro
Medio centenar de veciños de Llodio participan nos programas que imparte o euskaltegi AEK para potenciar o uso do éuscaro fóra dos ámbitos tradicionais.
Fonte: El Correo
Reclámanlle ao Concello de Mieres que teña a páxina web tamén en asturiano
A formación política Conceyu Abierto por Mieres pediu que a páxina web do Concello de Mieres "estea tamén en asturiano”. Denuncian que esta páxina web “non ofrece aos usuarios da rede a posibilidade de visualizala en lingua asturiana”.
Fonte: Asturnews
Un bronce atopado en Zaragoza enlaza a lingua celtibera co latín
O fragmento dunha táboa de bronce, atopado de forma fortuíta nas proximidades de Novallas (Zaragoza), enlaza a lingua celtibera co latín.
Fonte: Levante-emv
Case un 20 % da poboación navarra fala ou entende o éuscaro
A poboación navarra que coñece e usa o éuscaro aumentou nos últimos anos, aínda que é substancial a diferenza de implantación segundo as zonas.
Fonte: Diario de Navarra
Aumentan un 16 % os navarros que apoian o uso e promoción do éuscaro nas dúas últimas décadas
A actitude favorable cara á promoción do uso do éuscaro en todos os territorios onde se fala esta lingua aumentou sete puntos nas últimas dúas décadas, ao pasar do 47,5 % ao 55,2 %. No entanto, o maior aumento desta actitude positiva percíbese en Navarra, onde en 1991 había un 21,6 % de habitantes en favor de promover o éuscaro e na actualidade sitúase en 37,7 %.
Fonte: Noticias de Navarra
A Xunta pola Defensa da Lingua Asturiana cre que a nova lei de educación agravará a marxinación do asturiano
A Xunta pola Defensa de la Lingua Asturiana rexeita completamente os plans do ministro de Educación, Cultura e Deporte, José Ignacio Wert, para a futura lei de educación, que suporá tamén un ataque ao ensino da lingua asturiana.
Fonte: Europa Press
O Goberno vasco lanza unha campaña para avanzar cara á “igualdade real” entre o éuscaro e o castelán
O Goberno vasco puxo en marcha a campaña “Os teus dereitos lingüísticos están protexidos”, coa que pretende protexer a liberdade dos cidadáns e avanzar cara á “igualdade real” do éuscaro e o castelán, as dúas linguas oficiais de Euskadi.
Fonte: Qué!
Os alumnos de Primaria de Baleares deberán estudar un mínimo de 5 horas de castelán, catalán e unha lingua estranxeira
Os alumnos de Educación Primaria de Baleares deberán cursar un mínimo de cinco horas en cada unha das linguas oficiais (castelán e catalán) e na lingua estranxeira, preferiblemente, o inglés.
Fonte: Europa Press
Boletín
Subscríbase ao boletín
