A Federación de Municipios e Provincias (FEMP) de Castela-A Mancha e a Federación de Persoas Xordas de Castela-A Mancha (FESORMANCHA) subscribiron un acordo que promoverá a accesibilidade e a información aos servizos municipais das 59 600 persoas xordas que hai censada na rexión e permitirá, entre outras cousas, que os consistorios da rexión poidan contar con intérpretes de lingua de signos en actos municipais.

Fonte: Europa Press

As entidades asinantes do escrito achegan un compendio de recomendacións e propostas dirixidas a facer unha auténtica defensa dos sinais de identidade valencianos.

Fonte: El Periodic

Un grupo de profesores e de defensores da lingua asturiana concentrouse no centro de Oviedo para pedir a “dignificación” deste idioma como materia na nova Lei de educación.

Fonte: La Nueva España

Entidades e asociacións cívicas do movemento Enlazados pola Lingua fixeron un chamamento a apoiar as manifestacións simultáneas convocadas para o sábado, 9 de marzo, en todo o territorio dos Países Cataláns en defensa do catalán.

Fonte: 20 minutos

O Departamento de Educación, Política Lingüística e Cultura vai recoñecer, a través de Habe, as certificacións académicas dos niveis básicos de éuscaro A1 e A2 do Marco Europeo para as Linguas, integrándoos no Currículo Básico para a Euscaldunización de Adultos.

Fonte: Europa Press

Badoo é unha das redes sociais de citas máis importantes do mundo e conta con máis de 170 millóns de usuarios. Desde a súa creación, fóronse incorporando idiomas ata ofrecer os seus servizos en 40 linguas distintas. “Actualmente hai máis de dez millóns de persoas no mundo que falan catalán”, explican no seu blog, por este motivo decidiron engadir a lingua catalá no seu portal.

Fonte: El Periódico

O Instituto de Euscaldunización e Alfabetización do Goberno vasco, HABE, presentou un novo método de aprendizaxe de éuscaro, denominado “Primeran!”, dirixido aos alumnos dos niveis básicos A1 e A2.

Fonte: Diario Vasco

O Tribunal Superior de Xustiza de Valencia deulle a razón a Acción Cultural tras o seu recurso contra unha orde da Consellería de Educación que non recoñecía o título de Filoloxía Catalá por acreditar “coñecementos de valenciano” nas probas de acceso ao profesorado do ano 2009.

Fonte: El Punt Avui

Plataforma pola Lingua rexistrou un total de 501 queixas polas deficiencias de atención lingüística escrita ou oralmente en catalán en comercios, empresas e establecementos e tamén por incumprimentos do dereito do consumidor en materia de etiquetaxe.

Fonte: Europa Press

A comunidade educativa vasca conta xa co corpus de éuscaro máis grande xamais elaborado cun total de 204,9 millóns de palabras. Elaborado polo Instituto do Éuscaro da Universidade do País Vasco está dispoñible en liña a través de www.ehu.es/etc.

Fonte: El Correo